Last updated on January 16th, 2025 at 01:08 pm
ತುಳುನಾಡ್‌ಡ್ ತುಳು ಭಾಷೆ, ತುಳು ಸಂಸ್ಕೃತಿನ್ ಕೇಂದ್ರೀಕೃತವಾದ್ ನಡಪುನ ಕಾರ್ಯಕ್ರಮೊಲು ಬಾರೀ ಅಪರೂಪ. ಅಂಚಾದ್ ತುಳುನಾಡ್‌ಡ್ ತುಳು ಕೇಂದ್ರೀಕೃತವಾದ್ ಒಂಜಿ ಲೇಸ್ ಮನ್ಪೊಡು, ತುಳುತ ವಿಷಯೊಲು ಇಪ್ಪೊಡು, ತುಳುಪರ ಬಿನ್ನೆರ್ ಬತ್ತ್‌ದ್ ತುಳುಟು ಪಾತೆರಕತೆ ಆವೊಡು, ತುಳುನಾಡ್ ಡ್ ತುಳು ಭಾಷೆನ್ ಮಿತ್ತ್ ದೀದ್ ಒಂಜಿ ಲೇಸ್ ಮನ್ಪೊಡು ಪನ್ಡ್‌ದ್ ಜವನೆರೆ ಕೂಟ ಪುನೆಯೊಂದುಂಡು.
ತುಳುಪರ ಬೇಲೆಲೆನ್ ಮಲ್ತೊಂದುಪ್ಪುನ ತುಳು ಸಾಂಸ್ಕೃತಿಕ ಸಂಶೋಧನಾ ಪ್ರತಿಷ್ಠಾನ ಈ ವರ್ಸ ‘ತುಳುನಾಡ್ ಕಾನ್‌ಕ್ಲೇವ್-2025’ ತುಳುವೆರೆ ಆಯನೊನು ಮನ್ಪೆರೆ ಪಿದಡ್‌ದ್ಂಡ್.
ಉಂದುವೇ ಬರ್ಪಿನ ಎಪ್ರಿಲ್ 13 ತಾರೀಕ್‌ದಾನಿ ಕಟ್ಪಾಡಿ ವಿಶ್ವನಾಥ ದೇಲಂತಡೆದ ಶ್ರೀ ನಾರಾಯಣ ಗುರು ಸಭಾಂಗಣೊಡು ಕಾಂಡೆ 9ರ್ದ್ ಬಯ್ಯ 6 ಮುಟ್ಟ ಈ ಲೇಸ್ ನಡಪರೆಗುಂಡು. ಎಚ್ಚಿನ ಒಲವುನು ನನ ದುಂಬುದ ದಿನೊಟು ಕೊರ್ಪ. ಮಾತಾ ತುಳುವೆರೆನ ಸಾಕಾರ ಈ ಲೇಸ್‌ಗ್ ಬೋಡು ಪನ್ಡ್‌ದ್ ಪ್ರತಿಷ್ಠಾನೊದ ಗುರ್ಕಾರ್ಲು ಮಹಿ ಮುಲ್ಕಿ ಪನ್ಡೆರ್.