Last updated on January 23rd, 2025 at 07:10 am
ಕಾರ್ಲ: ಮಿಯ್ಯಾರ್‌ಡ್ ಖಾಸಗಿ ಜನತ ಗುವೆಲ್‌ಗ್ ರಡ್ಡ್ ಪೆತ್ತೊಲು ಬೂರ್ದು ಸೈದಿನ ನಡಕೆ ವರದಿಯಾತ್ಂಡ್. ಮಿಯ್ಯಾರ್ ಮಂಜಡ್ಕ ನಿವಾಸಿಲಾಯಿನ ದಾಮೋದರ್‌ ಆಚಾರ್ಯ, ಇಬ್ರಾಹಿಂ ಸಾಹೇಬ್‌ ಮೊಕಲೆನ ರಡ್ಡ್ ಪೆತ್ತೊಲೆನ್ ಮೇಯೆರೆ ಬುಡ್ದಿತ್ತ್‌ದ್, ಕೆಲ ದಿನೊರ್ದಿಂಚಿ ಅವು ಇಲ್ಲಗ್ ಬತ್ತಿಜ್ಜಂಡ್. ಇಡೀಕ ನಿಡ್ಂಡಲಾ ತಿಕ್ಕ್‌ದಿಜ್ಜಂಡ್. ಬುದಾರ ಖಾಸಗಿ ಜನತ ಗಟನೆ ದಾಂತಿನ ಗುವೆಲ್‌ಗ್ ಬೂರ್ದು ಪೆತ್ತೊಲು ಸೈದಿನ ಪತ್ತೆಯಾತ್ಂಡ್.
ಒಂಜಿ ಪೆತ್ತ ಕಂಜಿ ಪಾಡ್ದ್ ಒಂಜಿ ತಿಂಗೊಲು ಕರಿದಿತ್ತ್ಂಡ, ಕುಡೊಂಜಿ ಸನೆತ ಆದಿತ್ತ್ಂಡ್. ರಡ್ಡ್ ಪೆತ್ತೊಲೆನ್ ಬಡ ಕುಟೊಮೊಲು ಕಲೆವೊಂದ. ದಾಮೋದರ್‌ ಬೊಕ್ಕ ಇಬ್ರಾಹಿಂ ಮೊಕುಲು ಕೈಕಂಜಿಲೆನ್ ನಂಬೊಂದು ಜೀವನ ಮನ್ಪುನಕುಲಾದಿತ್ತ್‌ದ್, ಮೊಕಲೆಗ್ ಜಾಗೆದಕುಲು ಪರಿಹಾರ ಕೊರೊಡು ಅಂಚೆನೇ ಗಟನೆ ದಾಂತಿನ ಗುವೆಲ್ ನರಮಾನಿಲೆಗ್ಲಾ ಅಪಾಯಕಾರಿಯಾದಿತ್ತ್‌ದ್, ಸುತ್ತಲ ಬೇಲಿ ಆಂಡಲಾ ಕಟ್ಟೊಡು. ಈ ಬಗೆಟ್ ಪೃತ್ತೊಲೆನ್ ಕಲೆವೊಂದಿನ ಇರ್ವೆರ್ ಗ್ರಾ.ಪಂ.ಗ್ ಒಯಿಲ್ ಕೊರ್ತೆರ್. ಬೋಡಾಪಿನ ಕ್ರಮ ಗೆತೊನೊಡು ಪನ್ದ್ ಮಾಜಿ ಗ್ರಾ.ಪಂ. ಪದುಕೆ ಶಬ್ಬೀರ್‌ ಆಗ್ರಹ ಮಲ್ದೆರ್.