Last updated on January 12th, 2025 at 06:51 am
ಕಡಬ: ಸಂತಾನಹರಣ ಆಪರೇಷನ್ ಆಯಿಬೊಕ್ಕ ಪೊಂಜೊವು ಒರ್ತಿನ ಆರೋಗ್ಯಡ್ ಎಚ್ಚಿಕಮ್ಮಿ ಆದ್ ಮರ್ದ್ ಪಲಿಪಂದೆ ರಡ್ಡ್ ತಿಂಗೊಲ್ದ ಪೆದ್ದೊಲ್ತಿ ತೀರ್ದಿನ ನಡಕೆ ಕುಡ್ಲದ ಪ್ರೈವೇಟ್ ಆಸ್ಪತ್ರೆಡ್ ಸುಕ್ರಾರ ನಡತ್‌ದ್ಂಡ್.
ತೀರ್ದಿನಾರ್ ಕಡಬ ತಾಲೂಕು ಅಲಂಗಾರ್ ಗ್ರಾಮೊದ ದಯಾನಂದ ಗೌಡೆರೆನ ಬೊಡೆದಿ ಪುಷ್ಪಾವತಿ (34) ಪನ್ದ್ ತೆರಿದ್ ಬೈದ್ಂಡ್. ಮೇರ್ ರಡ್ಡ್ ತಿಂಗೊಲುಗು ದುಂಬು ನಾಲನೇ ಸರ್ತಿ ಪೆದ್ದ್‌ನಗ ಪೊಣ್ಣು ಬಾಲೆನ್ ಪೆದ್ದ್‌ದೆರ್. ಅಪ್ಪೆ ಬಾಲೆ ಉಸಾರಿತ್ತ್‌ದ್ ಆಸ್ಪತ್ರೆರ್ದ್ ಇಲ್ಲಗ್ ಪೋದಿತ್ತೆರ್. ಕೆಲ ದಿನೊಕು ದುಂಬು ಸಂತಾನಹರಣ ಆಪರೇಷನ್ ಆಯಿಬೊಕ್ಕ ಆರೆನ ಆರೋಗ್ಯಡ್ ಎಚ್ಚಿಕಮ್ಮಿ ಆದ್ ಮರ್ದ್‌ಗ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲಾದ್ ಮರ್ದ್ ಮಲ್ತೊಂದಿತ್ತೆರ್. ಸುಕ್ರಾರ ಮರ್ದ್ ಪಲಿಪಂದೆ ತೀರ್ದೆರ್. ಮೇರ್ ಕಂಡನೆ, ರಡ್ಡ್ ತಿಂಗೊಲ್ದ ಪೊಣ್ಣು ಬಾಲೆ ಸೇರ್ದ್ ನಾಲ್ ಪೊಣ್ಣುಜೋಕುಲೆನ್ ಅಗತ್‌ದೆರ್.