Last updated on January 14th, 2025 at 02:58 pm
ಅರಂತೋಡು: ಆಲೆಟ್ಟಿ ಗ್ರಾಮೊದ ಪೊಂಜೊವು ಒರ್ತಿ ತನ್ನ ಇರ್ವೆರ್ ಪೊಣ್ಣು ಜೋಕುಲೆನ ಒಟ್ಟುಗು ನಾಪತ್ತೆಯಾತೆರ್.
ಆಲೆಟ್ಟಿ ಗ್ರಾಮೊದ ಪರಿವಾರಕಾನ ನಿವಾಸಿ ನಂದಿನಿ (27 ವರ್ಷ) ಮೇರ್ ತನ್ನ ಇರ್ವೆರ್ ಪೊಣ್ಣು ಜೋಕುಲೆನ ಒಟ್ಟುಗು ಇಲ್ಲಲ್ದ್ ಕಾಣೆಯಾತಿನ ಬಗೆಟ್ ಸುಳ್ಯ ಸ್ಟೇಶನ್‌ಡ್ ಒಯಿಲ್ ದಾಕಲಾತ್ಂಡ್.
ಕಂಡನೆ ರಾಜೇಂದ್ರೆ (40) ಟೈಲ್ಸ್ ಬೇಲೆ ಮಲ್ಪುನಾರ್ ಆದಿತ್ತ್‌ದ್, ಪರಿವಾರಕಾನಡ್ ಕುಟುಂಬ ಸಮೇತ ಇತ್ತೆರ್. ಜೋಕುಲು ವೈಷ್ಣವಿ (8 ವರ್ಷ) ಸೆಂಟ್‌ ಜೋಸೆಪ್‌ ಶಾಲೆ 2ನೇ ತರಗತಿ ಕಲ್ತೊಂದಿತ್ತ್‌ದ್ ಕುಡೊರ್ತಿ 2 ವರ್ಸ ಪ್ರಾಯೊದ ಅನುಷ್ಕಾ ಅಂಗನವಾಡಿಗ್ ಪೋವೊಂದಿತ್ತಲ್. ಕರಿನ ಒಂಜಿ ವಾರೊಗು ಪಿರವು ಕಂಡನೆ ತನ್ನ ಮೊಬೈಲ್‌‌ಡ್ ಏಪೊಲಾ ರೀಲ್ಸ್ ತೂವೊಂದು ಕುಲೋಂದುಪ್ಪುನೆತ ವಿಚಾರಡ್ ಕಂಟ್ಯೊಂದು ತನ್ನ ತಮೆರಿಗ್ ಪೋದೀತ್ತೆರ್. ಇತ್ತೆ ಜ. 7 ತಾನಿ ಕಾಂಡೆ 8 ಗಂಟೆರ್ದ್ ರಾತ್ರೆ 8 ಗಂಟೆ ನಡುಟು ತನ್ನ ಇಲ್ಲರ್ದ್ ತನ್ನ ಜೋಕುಲೆನ ಒಟ್ಟುಗು ಕಾಣೆಯಾತೆರ್ ಪನ್ದ್ ರಾಜೇಂದ್ರೆ ಸುಳ್ಯ ಪೊಲೀಸೆರೆಡ ಒಯಿಲ್ ಬರೆಪಾದೆರ್.