Last updated on January 25th, 2025 at 02:21 pm
ಮಂಜೇಶ್ವರ: ಮದಿಮೆ ನಿಗಂಟ್ ಅದ್ ಮದಿಮೆಗ್ ನನ ಒಂತೆ ದಿನ ಇಪ್ಪುನಗನೇ ಜವನೆ ಒರಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಜ. 24 ತಾನಿ ಮೀಂಜ ಮುಟ್ಟದ ಬೆಜ್ಜ ಪನ್ಪಿನಲ್ಪ ನಡತ್‌ದ್ಂಡ್.
ಅಜಿತ್ ಕುಮಾರ್ (28) ಆತ್ಮಹತ್ಯೆ ಮಲ್ತೊಂದಿನ ಜವನೆ. ಅಜಿತ್ ಕುಮಾರ್ ಮಜಿಬೈಲ್ ಸೇವಾ ಸಹಕಾರಿ ಬ್ಯಾಂಕ್‌ದ ಉಪ್ಪಳ ಶಾಖೆ‌ಡ್ ಬೇಲೆ ಮಲ್ತೊಂದಿತ್ತೆರ್. ಮೆರೆಗ್ ಪೊಸಂಗಡಿದ ಪೊಣ್ಣನೊಟ್ಟು ಫೆಬ್ರವರಿ 2 ಕ್ ಮದಿಮೆ ನಿಗಂಟ್ ಆದಿತ್ತಂಡ್. ಐಕ್ ಬೋಡಾದ್ ಇಲ್ಲದಕುಲು ಮದಿಮೆಗ್ ಬೋಡಾಪಿನ ಸಾಮಾನ್‌ ಕನವೆರೆ ಪೇಂಟೆಗ್ ಪೋದಿತ್ತೆರ್. ಇಲ್ಲಡ್ ಸಿದ್ಯಮ್ಮೆ ಮಾತ್ರ ಇತ್ತೆರ್ ಪನ್ದ್ ಪನೊಂದುಲ್ಲೆರ್.
ಈ ಪೊರ್ತುಡು ಅಜಿತ್ ಆತ್ಮಹತ್ಯೆ ಮಲ್ತೊಂದೆರ್. ಬಯ್ಯಡ್ ಅಜಿತ್‌ನ ಇಲ್ಲದ ಎದುರು ಕುಕ್ಕುದ ಮರಟ್ ಕೇಬಲ್ ವಯರ್ ಡ್ ಬಲ್ಲ್ ಪಾಡೊಂದಿನೆನ್ ಇಲ್ಲದಕುಲು ತೂದಿತ್ತ್‌ದ್, ಅಲ್ಪದಕುಲು ರೆನ್ ಆಸ್ಪತ್ರೆಗ್ ಲೆತೊಂದು ಪೋನಗನೇ ತೀರ್ದಿತ್ತೆರ್. ಈ ಬಗೆಟ್ ಮಂಜೇಶ್ವರ ಠಾಣಾ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.