Last updated on February 25th, 2025 at 07:58 am
ಉತ್ತರ ಪ್ರದೇಶ: ಸುಮಾರ್ 15,000 ನೈರ್ಮಲ್ಯ ಕಾರ್ಮಿಕೆರ್ ಸೋಮಾರ ಪ್ರಯಾಗ್‌ರಾಜ್‌ದ ನಾಲ್ ವಲಯೊಲೆಡ್ ಮಾಮಲ್ಲ ಸ್ವಚ್ಛತಾ ಅಭಿಯಾನ ಮಲ್ತ್‌ದ್ ಗಿನ್ನೆಸ್ ವಿಶ್ವ ದಾಖಲೆ ಮನ್ಪೆರ ಪುನೆದೆರ್.
ಪ್ರಯಾಗ್ ರಾಜ್ ಮೇಯರ್ ಗಣೇಶ್ ಕೇಸರ್ವಾನಿ, ಮಹಾಕುಂಭದ ವಿಶೇಷ ಕಾರ್ಯನಿರ್ವಾಹಕ ಅಧಿಕಾರಿ ಆಕಾಂಕ್ಷಾ ರಾಣಾ ಬೊಕ್ಕ ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ಮೇಲ್ವಿಚಾರಣಾ ಕೂಟ ಈ ಪೊರ್ತುಡು ಒತ್ತುಪಾಲ್ ಇತ್ತೆರ್ ಪನ್ದ್ ಅಧಿಕೃತ ಪ್ರಕಟಣೆ ತೆರಿಪಾದ್ಂಡ್.
ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್‌ದ ಮುಖ್ಯ ಮೇಲ್ವಿಚಾರಕೆ ಬೊಕ್ಕ ನ್ಯಾಯಾಧೀಶೆ ರಿಷಿನಾಥ್ ತನ್ಕುಲೆ ಕೂಟೊಲೆನೊಟ್ಟುಗು ಲಂಡನ್‌ರ್ದ್ ಪ್ರಯಾಗ್‌ರಾಜ್‌ಗ್ ಬತ್ತಿತ್ತೆರ್ ಪನ್ದ್ ಪ್ರಕಟಣೆ ತೆರಿಪಾದ್ಂಡ್. ನೈರ್ಮಲ್ಯ ಕಾರ್ಮಿಕೆರೆನ್ ಅಕಲೆನ ರಿಸ್ಟ್ ಬ್ಯಾಂಡ್‌ಲೆನ ಮಿತ್ತ್‌ದ ಕೋಡ್ ನ್ ಸ್ಕ್ಯಾನ್ ಮಲ್ತ್‌ದ್ ಲೆಕ್ಕ ಮಲ್ತೆರ್.
ದಾಖಲೆದ ಅಕೇರಿದ ಲೆಕ್ಕೊದ ವರದಿನ್ ಮೂಜಿ ದಿನ ಕರಿದ್ ಬುಡುಗಡೆ ಮನ್ಪುವ ಪನ್ದ್ ಪನ್ತೆರ್.
ಪ್ರಯಾಗ್‌ರಾಜ್‌ಡ್ ನಡತಿನ 2019 ದ ಕುಂಭಮೇಳಡ್, 10,000 ನೈರ್ಮಲ್ಯ ಕಾರ್ಮಿಕೆರ್ ಸಿಂಕ್ರೊನೈಸ್ಡ್ ಸ್ವಚ್ಚತಾ ಅಭಿಯಾನೊಡು ಪಾಲ್‌ಪಡೆದ್ ಅಪಗ ಗಿನ್ನೆಸ್ ವಿಶ್ವ ದಾಖಲೆ ಮಲ್ತಿತ್ತೆರ್.
ವಿಶ್ವ ದಾಖಲೆದ ಈ ಪುನೆಪು ಪವಿತ್ರ ಭೂಮಿ ಪ್ರಯಾಗ್‌ರಾಜ್‌ರ್ದ್ ಲೋಕೊಗು ಸ್ವಚ್ಛತೆದ ಮಲ್ಲ ಸೊಲ್ಲಂಜೊನು ಕಡಪುಡ್ದುಂಡು ಪನ್ದ್ ಕೇಸರ್ವಾನಿ ಪನ್ಡೆರ್.
