Last updated on February 15th, 2025 at 08:47 am
ಲಖ್ನೌ, ಫೆ.14: ಪ್ರಯಾಗರಾಜ್‌ಡ್ ನಡತೊಂದುಪ್ಪುನ ಮಹಾ ಕುಂಭಮೇಳದ ಬಗೆಟ್ ಸಾಮಾಜಿಕ ಮಾಧ್ಯಮೊಲೆಡ್ ಕಲು ಸುದ್ದಿ ಪಗರಿನ ಆರೋಪೊಡು ಉತ್ತರ ಪ್ರದೇಶ ಪೊಲೀಸೆರ್ 53 ಅಕೌಂಟ್‌ಲೆನ ಮಿತ್ತ್ ಕಾನೂನು ಕ್ರಮ ಗೆತೊಂದೆರ್.
ಕಲು ಸುದ್ದಿ ಪಗರುನೆನ್ ಉಂತಾಯೆರ ಸಿಎಂ ಯೋಗಿ ಆದಿತ್ಯನಾಥ್ ಮೇರ್ ಕೊರ್ದಿತ್ತಿನ ನಿರ್ದೇಶನೊದ ಮಿತ್ತ್ ಈ ಕ್ರಮ ಗೆತೊಂದೆರ್. ಕಿಡಿಗೇಡಿಗಲು, ಕುಂಭ ಮೇಳೊದ ಪನ್ಡ್‌ದ್ ಪರ ವಿಡಿಯೊಲು, ತಪ್ಪು ಒಲವುಲೆನ್ ಪಟ್ಟೊನುನ ಮಕೇನ ಜನೊಕುಲೆನ ಸಾದಿ ತಪ್ಪಾವುನ ಪುನೆಪು ಬೈದಿನ ತೆರಿದ್ ಬೈದ್ಂಡ್. ಈ ಪೋಸ್ಟ್‌ಲೆನ್ ಮೇಲ್ವಿಚಾರಣೆ ಮನ್ಪೆರ ಬೊಕ್ಕ ಅಂಚಿನೆನ್ ಅಂಕೆಡ್ ದೀಯೆರೆ ರಾಜ್ಯ ಪೊಲೀಸ್ ಬೊಕ್ಕ ತಜ್ಞೆರ್ ಇತ್ತಿನ ಏಜೆನ್ಸಿಲು ನಿರಂತರವಾದ್ ಬೇಲೆ ಮಲ್ತೊಂದಿತ್ತ್‌ದ್, ಕಾರ್ಯತಂತ್ರೊಲೆನ್ ನೆಯ್ತೆರ್ ಪನ್ದ್ ಅಧಿಕಾರಿಲು ತೆರಿಪಾದೆರ್.
ಈಜಿಪ್ಟ್‌ದ ಕೈರೋಡ್ 2020ತ ಜುಲೈಡ್ ನಡತಿನ ಅಗ್ನಿ ದುರಂತೊದ ವಿಡಿಯೊನ್ ಪಟ್ಟೊಂದು, ಮಹಾ ಕುಂಭಮೇಳಡ್ ಆತಿನವು, 40-50 ಕಾರ್‌ಲ್ ಪೊತ್ತ್‌ದ್ ಪೋತ ಪನ್ದ್ ಜನೊಕ್ಲೆನ್ ಪೋಡ್ಯಾದಿತ್ತೆರ್. ಅಂಚೆನೇ, ರಾಷ್ಟ್ರೀಯವಾದಿಲು ಬೊಕ್ಕ ಧಾರ್ಮಿಕ ಮುಖಂಡೆರ್ ಸೇನಾ ಸಿಬ್ಬಂದಿಲೆ ಮಿತ್ತ್ ಮುಟ್ಟು ದಕ್ಕ್‌ದೆರ್ ಪನ್ದ್ ಬರೆದ್ ಕುಡೊಂಜಿ ವಿಡಿಯೊನ್ಲಾ ಪಟ್ಟ್‌ದಿತ್ತೆರ್. ಆಂಡ, ಅವು ‘ಪುಷ್ಪಾ 2’ ಸಿನಿಮಾ ಪ್ರಚಾರ ಕಾರ್ಯಕ್ರಮೊದವು. ಇಂಚ ಕಲು ಸುದ್ದಿ ಪಟ್ಟ್‌ದ್, ಶಾಂತಿ ಹಾಲ್ ಮನ್ಪೆರೆ ಪುನೆತಿನ ಆರೋಪೊಡು ಕರಿನ ಒಂಜಿ ತಿಂಗೊಲುರ್ದು ಸಾಮಾಜಿಕ ಮಾಧ್ಯಮೊಡು 53 ಅಕೌಂಟ್‌ಲೆನ ಮಿತ್ತ್ ಕಾನೂನು ಕ್ರಮ ಗೆತೊಂದ ಪನ್ದ್ ಪೊಲೀಸ್ ಅಧಿಕಾರಿ ಒಲವು ಕೊರ್ತೆರ್.