Last updated on February 4th, 2025 at 12:46 pm
ಪುತ್ತೂರು: ‘ದಾಲ ಪೊಡ್ಯೋರ್ಚಿ ನೆಟ್ಟೇ ಪೂರ ಕಮ್ಮಿ ಆಪುಂಡು..ಹ್ಹ..ಹ್ಹ..ಹ್ಹ.. ‘ ಪನ್ದ್ ಕ್ಲಿನಿಕ್‌ಗ್ ಬರ್ಪಿನ ಸೀಕ್‌ದಕ್ಲೆಡ ತೆಲಿತೊಂದೆ ಪಾತೆರೆದಿನ, ಪಾತೆರೊಡೇ ಅರ್ದ ಸೀಕ್‌ನ್ ಗುಣ ಮಲ್ತೊಂದಿತ್ತಿನ ಪುತ್ತೂರು ಅಂಚೆನೇ ಬರಿತ ಪತ್ತೂರ್‌ಲೆನ ಜನಮನ ಗೆಂದಿನ ತೆಲಿಕೆ ಮೋನೆದ ಕಂಪೌಂಡರ್ ಡಾಕ್ಟರ್ ಪನ್ದೇ ಪುದರಾದಿತ್ತಿನ ಹಾರಾಡಿ ನಿವಾಸಿ ಕಂಪೌಂಡರ್ ನರಸಿಂಹ ಭಟ್ರ್ (82ವ) ಫೆ.3 ತ ರಾತ್ರೆ ತೀರ್ಯೆರ್.
ತನ್ನ 16ನೇ ಪ್ರಾಯೊರ್ದು ಪುತ್ತೂರ್‌ದ ಕ್ಲಿನಿಕ್ ಒಂಜೆಟ್ ಕಾಂಪೌಂಡರ್ ಆದ್ ಬೇಲೆಗ್ ಸೇರ್ದಿತ್ತಿನ ಭಟ್ರ್ ಸುಮಾರ್ 68 ವರ್ಸ ಬೇಲೆ ಮಲ್ತ್‌ದ್ ಇಂಚಿಪ್ಪೊಗಾತೆ ನಿವೃತ್ತಿ ಗೆತೊಂದು ವಿಶ್ರಾಂತ ಜೀವನ ನಡಪಾವೊಂದಿತ್ತೆರ್. ಮೇರ್ ಬೊಡೆದಿ ಕಾವೇರಮ್ಮ, ಪಿದಯಿ ದೇಶೊಡುಪ್ಪುನ ಮಗೆ ಕಾರ್ತಿಕ್, ಇರ್ವೆರ್ ಒಪ್ಪಪುಟ್ಟಿನಕುಲೆನ್ ಅಗತ್‌ದೆರ್.
ಡಾ.ಶಿವರಾಮ ಭಟ್ರೆನ ಒಟ್ಟುಗು ಕಾಂಪೌಂಡರ್ ಆದ್ ಬೇಲೆ ಮಲ್ದಿನ ನರಸಿಂಹ ಭಟ್ರ್ ಪುತ್ತೂರ್‌ಡ್ ಮಾತೆರೆಗ್ಲಾ ಗುರ್ತ ಇತ್ತಿನಾರ್. ಕಡಿಮೆ ರೇಟ್‌ಗ್ ಕೆಲವೇ ಪೊರ್ತುಗು ಮೇರ್ ಕೊರ್ಪುನ ಮರ್ದ್‌ಗ್ ಪುತ್ತೂರು ಸೇರ್ದ್ ಬರಿತ ತಾಲೂಕ್‌ಲೆರ್ದ್‌ಲಾ ಪಾಪದಕುಲು ಬರೊಂದಿತ್ತೆರ್. 90ದ ದಶಕೊಡು ಸೋಮಾರದಾನಿ ಸಾರ ಜನ ಬತ್ತಿನಲಾ ಉಂಡು.
ಮೆರೆನ ಅಂತ್ಯ ಸಂಸ್ಕಾರ ಫೆ.4 ತ ಬಯ್ಯಡ್ ಎಲ್ಯಪುತ್ತೂರು ರುದ್ರಭೂಮಿಡ್ ನಡಪುಂಡು ಪನ್ದ್ ಆರೆನ ಸಂಬಂಧಿಕೆರ್ ತೆರಿಪಾದೆರ್.