Last updated on February 8th, 2025 at 04:02 pm
ಶಿವಮೊಗ್ಗ ಫೆಬ್ರವರಿ 08: ವಿಮಾನೊರ್ದು ಸ್ಕೈ ಡೈವಿಂಗ್ ಪ್ರಾಕ್ಟೀಸ್‌ದ ಪೊರ್ತುಡು ಪ್ಯಾರಚೂಟ್ ಓಪನ್ ಆವಂದಿನೆರ್ದಾವರ ವಾಯುಪಡೆತ ಅಧಿಕಾರಿಯೊರಿ ತೀರ್ದಿನ ನಡಕೆ ಉತ್ತರ ಪ್ರದೇಶೊದ ಆಗ್ರಾಡ್ ಶುಕ್ರವಾರ ಕಾಂಡೆ ನಡತ್‌ದ್ಂಡ್.
ತೀರ್ದಿನಾರೆನ್ ಶಿವಮೊಗ್ಗ ಜಿಲ್ಲೆದ ಹೊಸನಗರ ತಾಲೂಕ್‌ದ ಸಂಕೂರು ಗ್ರಾಮೊದ ವಾಯುಪಡೆತ ವಾರೆಂಟ್ ಅಧಿಕಾರಿ ಜಿ.ಎಸ್. ಮಂಜುನಾಥ್ (36) ಪನ್ದ್ ಗುರ್ತ ಪತ್ತ್‌ದೆರ್. ಆಗ್ರಾಡ್ ಭಾರತೀಯ ವಾಯು ಸೇನೆಗ್ ಸೇರ್ದಿನ ಮಾಲ್ಪುರ ಪ್ಯಾರಾಚೂಟ್ ಡ್ರಾಪ್ ಜೋನ್‌ಡ್ ಪ್ರಾಕ್ಟೀಸ್ ನಡತೊಂದಿತ್ತ್ಂಡ್. ವಾಯುಸೇನೆದ 12 ಅಧಿಕಾರಿಲು ಪ್ಯಾರಾಚೂಟ್ ಪ್ರಾಕ್ಟೀಸ್‌ಗ್ ವಿಮಾನೊರ್ದು ಲಾಗಿದಿತ್ತೆರ್. 11 ಜನ ಮಾತ್ರ ಪ್ಯಾರಾಚೂಟ್ ಗಲಸ್‌ದ್ ಸುರಕ್ಷಿತವಾದ್ ಲ್ಯಾಂಡ್ ಆದಿತ್ತೆರ್. ಆಂಡ ವಾರಂಟ್ ಆಫೀಸರ್ ಜಿ.ಎಸ್. ಮಂಜುನಾಥ್ ನಾಪತ್ತೆ ಆದಿತ್ತೆರ್.
ಆರೆಗ್ ಬೋಡಾದ್ ನಾಡ್‌ದಾನಗ ಮುಟ್ಟದ ಜಾಗೆಡ್ ಬೂರ್ದ್ ಗಡಿಕುಲಾತಿನ ಸ್ಥಿತಿಟ್ ಮಂಜುನಾಥ್ ತಿಕ್ಕ್‌ದಿತ್ತೆರ್. ಅಪಗನೇ ಆರೆನ್ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಮರ್ದ್ ಪಲಿಪಂದೆ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.