Last updated on February 22nd, 2025 at 06:31 pm
ಮಗಲೆನ ಮದಿಮೆದ ಮಂಟಮೆಡ್ ಅಮ್ಮೆ ಹಾರ್ಟ್ ಅಟ್ಯಾಕ್ ಆದ್ ಕುಸ್ಕ್‌ದ್ ಬೂರ್ದ್ ತೀರ್ದಿನ ಬೆಸರ್‌ದ ನಡಕೆ ತೆಲಂಗಾಣ ರಾಜ್ಯೊಡು ನಡತ್‌ದ್ಂಡ್.
ಕಾಮರೆಡ್ಡಿ ಜಿಲ್ಲೆದ ಭಿಕ್ಕನೂರು ಮಂಡಲೊದ ರಾಮೇಶ್ವರ ಪಲ್ಲಿಡ್ ಕುಡಿಕ್ಯಾಲ ಬಾಲಚಂದ್ರ ಪನ್ಪಿನಾರ್ ಶುಕ್ರವಾರ ಮುಟ್ಟದ ಹಾಲ್‌ಡ್ ತನ್ನ ಮಗಲೆನ ಮದಿಮೆದ ಅಟ್ಟನೆ ಮಲ್ತಿತ್ತೆರ್. ಮದಿಮೆದ ಕ್ರಮೊಕುಲು ನಡತೊಂದಿತ್ತಿ ಲೆಕನೆ ಒರರ್ದ್ ಒರಾನೆ ಬಾಲಚಂದ್ರೆ ಮೇರ್ ಮಂಟಮೆಡೆ ಮತಿ ತತ್ತ್‌ದ್ ಬೂರ್ದೆರ್. ಅಪಗನೇ ಸಂಬಂಧಿಕೆರ್ ಕಾಮರೆಡ್ಡಿ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಸಾದಿ ನಡುಟೇ ತೀರ್ದೆರ್.
ಮುಹೂರ್ತೊಗು ಒಂತೆ ಪೊರ್ತು ಇಪ್ಪುನಗನೇ ಈ ನಡಕೆ ನಡತಿತ್ತ್‌ದ್ ಇಲ್ಲದಕುಲು ಮಾತಾ ಬಾರೀ ಬೆಸರ್‌ಡ್ ಉಲ್ಲೆರ್.
ಮದಿಮೆಗ್ ಬತ್ತಿನ ಬಿನ್ನೆರ್ ಬಾಲಚಂದ್ರೆರೆನ ಅಂತ್ಯಕ್ರಿಯೆಟ್ ಪಾಲ್‌ಪಡೆಯೆರ್.