Last updated on February 7th, 2025 at 10:44 am
ಬೆಂಗಳೂರು: ಗೂಗಲ್ ಮ್ಯಾಪ್ ತೂವೊಂದು ಪೋದು ಬೈದ್ಯೆ ಒರಿ ದಾರುಣವಾದ್ ತೀರ್ದಿನ ನಡಕೆ ಹೊಸಕೋಟೆ ದ ರಾಷ್ಟ್ರೀಯ ಪೆರ್ಸಾದಿ 648ಡ್ ನಡತ್‌ದ್ಂಡ್.
ಹೈದ್ರಾಬಾದ್ ಮೂಲೊದ ಅಮರ್ ಪ್ರಸಾದ್, ವೇಣು ಬೊಕ್ಕ ಪ್ರವಳಿಕಾ ಪನ್ಪಿನ ಮೂವೆರ್ ಪಾಸಾಡಿಲು ತಮಿಳುನಾಡ್‌ದ ಪಳನಿ ದೇಲಂತಡೆಕ್ ಪೋಯೆರ ಕಾರ್‌ಡ್ ಬತ್ತ್‌ದಿತ್ತ್‌ದ್, ಈ ಪೊರ್ತುಡು ಡ್ರೈವರ್ ಗೂಗಲ್ ಮ್ಯಾಪ್ ತೂವೊಂದು ಕಾರ್ ಬುಡ್ತೆರ್. ಡ್ರೈವರ್‌ನ ಗೇನ ಮ್ಯಾಪ್‌‌ದಂಚಿಗೇ ಇತ್ತಿನೆರ್ದಾವರ ಹೈವೇಡ್ ಬರಸ್‌ಡ್ ಪೋವೊಂದಿತ್ತಿನ ಕಾರ್ ಉಂತುದಿತ್ತಿನ ಲಾರಿಗ್ ಎಡ್ತ್‌ದ್ಂಡ್.
ಎಡ್ತೆದ ಬರಸ್‌ಗ್ ಕಾರ್‌ಡ್ ಪಿರವು ಕುಲ್ದಿತ್ತಿನ ಹೈದರಾಬಾದ್ ಮೂಲೊದ ಬೈದ್ಯೆ ಅಮರ್ ಪ್ರಸಾದ್ ಅಲ್ಪನೇ ತೀರ್ದೆರ್. ಸಾದಿಡೆ ಪೋಪಿನಕುಲು ಕಾರ್‌ಡ್ ಇತ್ತಿನ ಪ್ರವಳಿಕಾ ಬೊಕ್ಕ ವೇಣುನ್ ಆಸ್ಪತ್ರೆಗ್ ದಾಕಲ್ತ್‌ದೆರ್. ಇರ್ವೆರ್ಲಾ ಕಿಞ್ಞ ಕಿಞ್ಞ ಗಡಿಕುಲಾದ್ ಬದುಕ್‌ದ್ ಒರಿದೆರ್.