Last updated on February 12th, 2025 at 03:40 pm
ಬ್ರೆಸಿಲಿಯಾ: ಬ್ರೆಜಿಲ್‌ದ ಮಿನಾಸ್ ಗೆರೈಸ್‌ಡ್ ನಡತಿನ
ಏಲಂಡ್ ಭಾರತೀಯ ಮೂಲೊದ ಬ್ರೀಡ್‌ದ Viatina-19 ಪುದರ್‌ದ ಪೆತ್ತ ಒಂಜಿ 40 ಕೋಟಿ ರೂ.ಗ್ ಮಾರಾಟ ಆಪಿನ ಮುಕೇನ ಬಾರೀ ಪಿರಿಯದ ಜಾನುವಾರ್ ಪನ್ಪಿನ ಗಿನ್ನೆಸ್ ದಾಖಲೆ ಬರೆತ್ಂಡ್.
ವರದಿದ ಪ್ರಕಾರ 1,101 ಕೆಜಿದಾತ್ ದಿನ್ನದ ನೆಲ್ಲೂರು ಬ್ರೀಡ್‌ದ(ಒಂಗೋಲ್) ಪೆತ್ತ ಉಂದಾದುಂಡು. ಈ ಪೆತ್ತ ಉಂದುವೇ ಬ್ರೀಡ್‌ದ ಬೇತೆ ಪೆತ್ತೊಲೆನ ಸರಾಸರಿ ದಿನ್ನೊರ್ದು ರಡ್ಡ್ ಪಾಲ್ ಎಚ್ಚ ದಿನ್ನ ಉಂಡು.
4 ವರ್ಸ 5 ತಿಂಗೊಲು ಪ್ರಾಯೊದ ಬೊಲ್ಲೆ ರಂಗ್‌ದ ಮೆತ್ತೆನೆ ದೊಗಲೆದ ಲಕ್ಕ್‌ದ್ ತೋಜುನ ಬೆರಿ ಇತ್ತಿನ ಪೆತ್ತದ ಪೊರ್ಲು ಕಣ್ಣ್ ಕಟ್ಟುಲೆಕ ಉಂಡು.
ವಿಶ್ವ ದಾಖಲೆದ ಒಟ್ಟುಗು, ಟೆಕ್ಸಾಸ್‌ಧ ಫೋರ್ಟ್ ವರ್ತಡ್ ನಡೆದ “ಚಾಂಪಿಯನ್ ಆಫ್ ದಿ ವರ್ಲ್ಡ್” ಪಂತೊಡು ವಿಯಾಟಿನಾ-19 “ಮಿಸ್ ಸೌತ್ ಅಮೆರಿಕ” ಮಾನಾದಿಗೆನ್ ಗೆಂದ್‌ದ್ಂಡ್. ಉಂದು ಮಿಸ್ ಯೂನಿವರ್ಸ್ ಲೆಕನೆ ಆಂಡ ಪೆತ್ತೊಲೆಗ್ ಆಪಿನ ಪಂತೊ, ಬೇತೆ ಬೇತೆ ರಾಷ್ಟ್ರೊಲೆನ ಬೋರಿಲು ಪೆತ್ತೊಲು ಪಾಲ್‌ಪಡೆಪ.
ನೆಲ್ಲೂರು ಬ್ರೀಡ್‌ ಉಷ್ಣವಲಯೊದ ಹವಾಮಾನ ಬೊಕ್ಕ ರೋಗ ನಿರೋಧಕತೆಗ್ ಒಂಬೊನುನ ಚಾತುರ್ಪುಗು ಪುದರಾತ್ಂಡ್. ಅಂಚಾದೇ, ವಿಯಾಟಿನಾ-19 ದ ಗಬ್ಬ ಸಂತಾನೋತ್ಪತ್ತಿ ಪ್ರಾಜೆಕ್ಟ್‌ಲೆಗ್ ಜಾಗತಿಕವಾದ್ ಎಚ್ಚಿನ ಕಾಯೆಸ್‌ಡ್ ಉಂಡು.
ಬ್ರೆಜಿಲ್‌ಡ್ ನೂದೆಟ್ 80 ಪೆತ್ತೊಲು ಭಾರತೀಯ ಮೂಲೊರ್ದು ಅಭಿವೃದ್ಧಿ ಮಲ್ದಿನವು ಪನ್ಪಿನ ವಿಶೇಷ.