‘ಕಂಬುಲ ತುಳುನಾಡ್‌ದ ಸ್ವಾಭಿಮಾನೊದ ಪ್ರತೀಕ’ – ಚಂದ್ರಶೇಖರ ಸ್ವಾಮೀಜಿ

Last updated on February 3rd, 2025 at 09:37 am

ಮುಲ್ಕಿ,: ಕಂಬುಲ ತುಳುನಾಡ್‌ದ ಸ್ವಾಭಿಮಾನೊದ ಪ್ರತೀಕ. ಈ ಮಣ್ಣ್‌ದ ಕಮ್ಮೆನ ಪರಂಪರೆನ್ ತೋಜಾವುನ ಕಂಬುಲನ್ ಎದುರು ಕೊನೊಯೆರೆ ಮುಕ್ತ ಮನಸ್ಸ್‌ದ ಪೋಷಕೆರ್ ಏಪೊಲಾ ನೆರವು ಕೊರೊಂದುಪ್ಪೊಡು. ಜವನೆರೆ ಉಮೇದ್ ಕಂಬುಲದ ಸಂಪೊತ್ತು ಪನ್ದ್ ಆಧ್ಯಾತ್ಮಿಕ ಗುರು, ವೈಜ್ಞಾನಿಕ ಜ್ಯೋತಿಷಿ, ಅಂತಾರಾಷ್ರ್ಟೀಯ ವಾಸ್ತುತಜ್ಞೆ ಶ್ರೀ ಚಂದ್ರಶೇಖರ ಸ್ವಾಮೀಜಿ ಪನ್ಡೆರ್.

ಮುಲ್ಕಿ ಕೈತಲ್ದ ಐಕಳಡ್ 49ನೇ ವರ್ಷೊದ ಐಕಳಬಾವ ಕಾಂತಾಬಾರೆ ಬೂದಾಬಾರೆ ಜೋಡುಕರೆ ಕಂಬುಲೊಗು ಸಾಂಪ್ರದಾಯಿಕವಾದ್ ಚಾಲನೆ ಕೊರ್ದು ಆರ್ ಪಾತೆರ್ಯೆರ್. ಕಂಬುಲದ ಸುರುಟು ಐಕಳಬಾವದ ಇಲ್ಲಡ್ ದೈವೊದ ಸನ್ನಿಧಾನೊಡು ಮದಿಪು ಮಲ್ತೆರ್. ಬೊಕ್ಕ ಮೆರವಣಿಗೆಡ್ ಕಂಬುಲದ ಕರೆಕ್ ಪೇರ್ ಮೈತ್‌ದ್ ದೇಬೆರೆ ಪ್ರಸಾದ ಪಾಡ್ಯೆರ್. ಅಶ್ವತ್ಥ ಕಟ್ಟೆಡ್ ಪೂಜೆ ಮಲ್ತ್‌ದ್ ಪಿಂಗಾರವನ್ನು ಅರ್ಲಾದ್ ಕಂಬುಲಗ್ ಚಾಲನೆ ಕೊರ್ಯೆರ್. ಸಮಿತಿ ಅಧ್ಯಕ್ಷೆ ಐಕಳಬಾವ ದೇವಿಪ್ರಸಾದ್ ಶೆಟ್ಟಿ ಗುರ್ಕಾರ್ಮೆ ವಯಿಸೊಂಡೆರ್. ಮಹಾ ಪೋಷಕೆರಾಯಿನ ಚಂದ್ರಶೇಖರ ಸ್ವಾಮೀಜಿ, ರಜನಿ ಸಿ.ಭಟ್ ಮೊಕಲೆಗ್ ಮಾನಾದಿಗೆ ಮಲ್ತೆರ್.