Last updated on February 27th, 2025 at 03:08 pm
ಪುಣೆ, ಫೆ. 27: “ಅಕ್ಕಾ” ಪನ್ದ್ ಲೆತ್ತ್‌ದ್ ಪೊಣ್ಣನ ಮಿತ್ತ್ ಅತ್ಯಾಚಾರ ಮಲ್ದಿನ ಆರೋಪಿ ದತ್ತಾತ್ರೇಯ ರಾಮದಾಸ್‌ನ್ ನಾಡ್ಯೆರ ಪೊಲೀಸೆರ್ 13 ಟೀಮ್‌ಲೆನ್ ಮಲ್ದೆರ್. ಆಯನ ಬಗೆಟ್ ಒಲವು ಕೊರ್ನಕಲೆಗ್ 1 ಲಕ್ಷ ರೂ. ಕೊರ್ಪ ಪನ್ದ್ ಪೊಲೀಸೆರ್ ತೆರಿಪಾದೆರ್. ಆಯೆ ಏಸ ಪಗತೊಂದು ತಿರ್ಗೊಂದುಲ್ಲೆ ಪನ್ದ್ ಸುದ್ದಿ ಉಂಡು. ಆಯಗ್ ಕ್ರಿಮಿನಲ್ ಪಿನ್ನೆಲೆ ಇತ್ತ್‌ದ್, ಒವ್ವಾ ಪ್ರಕರಣೊಡು ಜೈಲ್‌ಗ್ ಪೋದು ಜಾಮೀನ್‌ಡ್ ಪಿದಯಿ ತಿರ್ಗೊಂದುಲ್ಲೆ.
ಪೊಣ್ಣು ಪುಣೆತ ಬ್ಯುಸಿ ಸ್ವಾರ್ಗೇಟ್ ಕೈತಲ್ ಬಸ್ಸ್‌ಗ್ ಕಾತೊಂದಿತ್ತಲ್, ಪೊಲೀಸ್ ಸ್ಟೇಷನ್‌ರ್ದ್ ಸುಮಾರ್ 100 ಮೀಟರ್ ದೂರೊಡು ಉಂತಾದಿತ್ತಿನ ಬಸ್ಸ್‌ಗ್ ಆಲೆನ್ ಲೆತೊಂದು ಪೋದು ಆಲೆನ ಮಿತ್ತ್ ಅತ್ಯಾಚಾರ ಮಲ್ತ್‌ದೆ. ಅಂಗಾರೆ ಕಾಂಡೆ 5.30 ಕ್ಕ್ ಆಲ್ ತನ್ನ ಇಲ್ಲಗ್ ಪೋಯೆರ ಬಸ್‌ಗ್ ಕಾತೊಂದುಪ್ಪುನಗ ಈ ನಡಕೆ ನಡತ್‌ದ್ಂಡ್.
ಬಸ್ ಇಡೆ ಬರ್ಪುಜಿ ಬೇತೆ ಕಡೆಟ್ ಉಂತಾವೆರ್ ಪನ್ದ್ ಲೆತೊಂದು ಪೋದು ಅತ್ಯಾಚಾರ ಮಲ್ತ್‌ದೆ. ಎಂಕ್ಲ ಆರೋಪಿನ ಗುರ್ತ ಪತ್ತ್‌ದ ಅಂಚೆನೇ ಆಯನ್ ಪತ್ತೆರ ಮಾತಾ ಪುನೆಪು ಬರೊಂದುಲ್ಲ. ಪೊಣ್ಣನ ಆರೋಗ್ಯ ಸ್ಥಿರವಾದುಂಡು ಪನ್ದ್ ಪೊಲೀಸೆರ್ ತೆರಿಪಾದೆರ್.
ಅತ್ಯಾಚಾರೊಗು ದುಂಬು ದಾದ ನಡತ್ಂಡ್?
ಕಾಂಡೆ 5.45 ತ ಅಂದಾಜಿಗ್ ಸತಾರ ಜಿಲ್ಲೆದ ಫಾಲ್ಟನ್‌ಗ್ ಪೋಪುನ ಬಸ್‌‌ಡ್ ಒಂಜಿ ಪ್ಲಾಟ್‌ಫಾರ್ಮ್‌ಡ್ ಪೊಣ್ಣು ಕಾತೊಂದುಪ್ಪುನಗ, ಒರಿ ಮುಟ್ಟ ಬತ್ತ್‌ದ್ ಅಕ್ಕಾ ಪನ್ದ್ ಲೆತ್ತ್‌ದ್ ಪಾತೆರ್ಯೆರ ಪತ್ತ್‌ದೆ, ಸತಾರಗ್ ಪೋಪುನ ಬಸ್ ಕುಡೊಂಜಿ ಪ್ಲಾಟ್‌ಫಾರ್ಮ್‌ಗ್ ಬತ್ತ್‌ದ್ಂಡ್ ಪನ್ದ್ ಪನ್ತೆ, ನೇಲ್ಯ ಉಂತಡೆಡ್ ಬೇತೆ ಕಡೆಟ್ ಉಂತಾದಿತ್ತಿನ ಖಾಲಿ ಶಿವ ಶಾಹಿ ಎಸಿ ಬಸ್‌ಗ್ ಯಾನೇ ಐತ ಕಂಡಕ್ಟರ್ ಪನ್ಡ್‌ದ್ ಆರೆನ್ ಲೆತೊಂದು ಪೋತೆ.
ಬಸ್ಸ್‌ದುಲಯಿ ಲೈಟ್ ಇಜ್ಜಂದಿನೆರ್ದಾವರ ಆಲ್ ಪೋಡಿದ್ ಬಸ್ ಬರ್ತ್‌ದೆರ್. ಜತ್ತ್‌ದ್ ಬಲಿಪೆರ ದುಂಬೇ, ಬಲಾತ್ಕಾರ ಮಲ್ತ್‌ದೆ.