Last updated on February 23rd, 2025 at 09:25 am
ಕಾಸ್ರೋಡ್, ಫೆ.22: ಪೊಣ್ಣು ಬಾಲೆಗ್ ಲೈಂಗಿಕ ಕಿರುಕುಳ ಕೊರ್ತಿನ ಪ್ರಕರಣೊಗು ಸಂಬಂಧಿತ್‌ದ್, ಆರೋಪಿಗ್ ಜೀವಾವಧಿ ಕಠಿಣ ಶಿಕ್ಷೆ, ಅವೆತೊಟ್ಟುಗು 137 ವರ್ಸ ಕಠಿಣ ಕರ್ಪಿಲ್ಲ ಶಿಕ್ಷೆ ಅಂಚೆನೇ 7.5 ಲ.ರೂ ದಂಡ ಪಾಡ್ದ್ ಕಾಸ್ರೋಡ್ ಫಾಸ್ಟ್ ಟ್ರ‍್ಯಾಕ್ ವಿಶೇಷ ನ್ಯಾಯಂತಡೆ ಆದೇಶ ಕೊರ್ತುಂಡು.
ಮೀಯಪದವು ಮೂಡಂಬೈಲು ಕುಳವಯಲ್ ನಿವಾಸಿ ವಲ್ಲಿ ಡಿ’ಸೋಜಾ(47)ಗ್ ಶಿಕ್ಷೆ ಪಾಡ್ದ್ ಕೋರ್ಟ್ ತೀರ್ಪು ಕೊರ್ತುಂಡು.
ಆರೋಪಿ ವಲ್ಲಿ ಡಿ’ಸೋಜಾ ದಂಡ ಕಟ್ಟಿಜೆಂಡ 28 ತಿಂಗಳು ಎಚ್ಚ ಕಠಿಣ ಶಿಕ್ಷೆ ಅನುಭವಿಪುಲೆಕ ಕೋರ್ಟ್ ತೀರ್ಪುಡು ಪನ್ತ್ಂಡ್.
2020 ಮಾರ್ಚ್ ತಿಂಗೊಲುಡು ಪ್ರಕರಣ ನಡತಿತ್ತ್‌ದ್ ಮಂಜೇಶ್ವರ ಪೊಲೀಸೆರ್ ಪ್ರಕರಣ ದಾಕಲ್ತ್‌ದಿತ್ತೆರ್. ವಲ್ಲಿ ಡಿ’ಸೋಜಾ 16 ವರ್ಸದ ಪೊಣ್ಣನ್ ಕಾರ್‌ಡ್ ಕುಳೂರು ಮೀಯಪದವು ಪಾಲಡಿಡ್ ಏರ್ಲಾ ಇಜ್ಜಂದಿನ ಇಲ್ಲಗ್ ಲೆತೊಂದು ಪೋದು ಲೈಂಗಿಕ ಕಿರುಕುಳ ಕೊರ್ತೆ ಪನ್ದ್ ಪೊಲೀಸೆರೆಗ್ ಒಯಿಲ್ ಬತ್ತಿತ್ತ್ಂಡ್. ಆರೋಪಿನ ಮಿತ್ತ್ ಪರಿಶಿಷ್ಟ ಜಾತಿ-ಪರಿಶಿಷ್ಟ ವರ್ಗ ದೌರ್ಜನ್ಯ ನಿಷೇಧ ಕಾನೂನುದ ಕಾಯ್ದೆದಡಿಟ್ ಶಿಕ್ಷೆ ಕೊರ್ತುಂಡು.