ಕಾರ್ಲ: ಆದಿವಾಸಿ ಮಲೆಕುಡಿಯೆರೆ ಒಟ್ಟುಗು ಶಾಸಕೆ ಸುನಿಲ್ ಕುಮಾರ್ ಗ್ರಾಮವಾಸ್ತವ್ಯ

Last updated on February 15th, 2025 at 01:25 pm

ಕಾರ್ಲ,ಫೆ.15: ಶಾಸಕೆ ವಿ. ಸುನಿಲ್ ಕುಮಾರ್ ಮೇರ್ ನಕ್ಸಲ್ ಪೀಡಿತ ಪ್ರದೇಶ ಪನ್ದ್ ಪುದರಾತಿನ ಈದು ಗ್ರಾಮೊದ ಮೂಡಾಯಿ ಘಟ್ಟೊದ ಕಾಡ್‌ಡ್ ರಾತ್ರೆ ವಾಸ್ತವ್ಯ ಮಲ್ತೆರ್. ಮುಲ್ಪ ಇಪ್ಪುನ 11 ಮಲೆಕುಡಿಯ ಕುಟುಮೊಲು ಪಾಕ ವರ್ಸೊಂರ್ದಿಂಚಿ ಬೇತೆ ಬೇತೆ ಸಮಸ್ಯೆಲೆಡ್ ಉಲ್ಲೆರ್. ಮೊಕುವುಲು ಮಾತ ಬೆನ್ನಿ ಮಲ್ತ್‌ದ್ ಜೀವನ ಕರಿಪುನಕುಲು, ಒಟ್ಟುಗು ಕೈಕಂಜಿಲೆನ್ಲಾ ಸಾಂಕೊಂದೆರ್. ಕೋರಿ ಸಾಂಕ್‌ದ್ ಸಾವಯವ ಕೃಷಿ ಮಲ್ತೊಂದು ಪೆರ್ಮೆದ ಬದ್‌ಕ್ ಕಟ್ಟೊಂದೆರ್. ಈ ವಿಚಾರೊನು ಶಾಸಕೆರ್ ಅಹವಾಲು ಕೇನುನ ಪೊರ್ತುಡು ತೆರಿಯೊಂದು ಅಕ್ಲೆನ ಶ್ರಮ ಜೀವನೊನು ಪುಗರ್ಯೆರ್.

ಶಾಸಕೆರ್ ತನ್ಕುಲು ಇತ್ತಿನ ಇಲ್ಲಗ್ ಬತ್ತ್‌ದ್ ಅಹವಾಲ್ ಕೇನ್ಡಿನೆಕ್ ನಿವಾಸಿಲು ಕುಸಿಯಾಯೆರ್. ಆದಿವಾಸಿ ಇಲ್ಲಡೇ ಕುಲ್ಲುದ್ ವನಸ್ ಮಲ್ತೆರ್. ಸಮುದಾಯೊದ ಸಮಸ್ಯೆಲೆನ ಒಲವು ಗೆತೊಂಡಿನ ಶಾಸಕೆರ್ ಈ ಕುಟುಮೊಲೆನ ಬುಲೆಚ್ಚಿಲ್‌ಗ್ ಸರಕಾರೊದ ಮಟ್ಟಡ್ ಅನುದಾನ ತರ್ಪಾವುನ ಬೇಲೆ ಮನ್ಪುನ ಪಾತೆರ ಕೊರ್ಯೆರ್.