Last updated on February 27th, 2025 at 06:08 pm
ಕುಡ್ಲ, ಫೆ.27: ಕದ್ರಿ ಪಾರ್ಕ್‌‌ಡುಪ್ಪುನ 75 ಮೀಟರ್ ಎತ್ತರೊದ ಕೊಡಿಕುಂದೊದ ಮಿತ್ತ್ ರಾಪಾದಿನ ದೇಶೊದ ಕೊಡಿ ಪರಿದ್ ಪೋದಿತ್ತ್‌ದ್, ತೂಪುನಕ್ಲೆಗ್ ಪೊಕ್ಕಡೆ ಆಪಿಲೆಕ ಇತ್ತ್‌ದ್, ಮೈಂಟೈಂನೆನ್ಸ್‌ದ ಬಗೆಟ್ ಪ್ರಶ್ನೆ ಮನ್ಪುಲೆಕ ಆತ್ಂಡ್.
ಪರಿದ್ ಪೋದಿತ್ತ್ಂಡಲಾ, ಕೊಡಿ ನನಲಾ ರಾವೊಂದೇ ಉಂಡು, ಉಂದು ನಾಗರಿಕರಿಕೆರೆ ಟೀಕೆಗ್ ಈಡಾತ್ಂಡ್. ಕರಿನ ವರ್ಸ ಸೆಪ್ಟೆಂಬರ್‌ಡ್ 75 ಲಕ್ಷ ರೂಪಾಯಿ ಕರ್ಚಿಡ್ ಉಂತಾದಿನ ಈ ಕೊಡಿಕುಂದ ಕರ್ನಾಟಕೊದ ರಡ್ಡನೇ ಎಪ್ಪರೊದ ಕುಂದ ಆದುಂಡು.
ಪರಿದಿನ ಕೊಡಿನ್ ಪಗಪಂದೆ ಗೋಸ್ಮರಿ ಮಲ್ದಿನ ಸಾರ್ವಜನಿಕೆರೆಗ್ ಬೆಚ್ಚ ಆದಿತ್ತ್‌ದ್, ಅಧಿಕಾರಿಲು ಆಯಿನಾತ್ ಬೇಗ ಕ್ರಮ ಗೆತೊಂದು ರಾಷ್ಟ್ರ ಲಾಂಛನೊದ ಘನತೆ ಕಾಪುಲೆಕ ಒತ್ತಾಯ ಮಲ್ದೆರ್.
