Last updated on February 1st, 2025 at 09:07 am
ಕೇಂದ್ರ ಸರ್ಕಾರೊದ 2025-2026ನೇ ಸಾಲ್‌ದ ಬಜೆಟ್ ಮಂಡನೆಗ್ ಪೊರ್ತುಲೆಕ್ಕ ಶುರುವಾತ್ಂಡ್. ಇನಿ ಕಾಂಡೆ 11 ಗಂಟೆಗ್ ವಿತ್ತ ಸಚಿವೆದಿ ನಿರ್ಮಲಾ ಸೀತಾರಾಮನ್ ಮೇರ್ ಬಜೆಟ್ ಮಂಡನೆ ಮನ್ಪೆರ ಉಲ್ಲೆರ್. ಈ ಬಜೆಟ್ ಮಂಡನೆದೊಟ್ಟುಗು ಬೆರಿಬೆರಿ 8ನೇ ಬಜೆಟ್ ಮಂಡನೆ ಮಲ್ದಿನ ಕಡೀರ್ದ ಸಚಿವೆದಿ ಪನ್ಪಿನ ಪೆರ್ಮೆಗ್ ಪಾತ್ರೆರಾಯೆರುಲ್ಲೆರ್.
ಈ ಸರ್ತಿದ ಬಜೆಟ್‌ದ ಬಗೆಟ್ ಪಾಕ ವಲಯೊಲು ಪಾಕ ನಿರೀಕ್ಷೆಲೆನ್ ದೀವೊಂದ. 140 ಕೋಟಿ ಭಾರತೀಯೆರೆ ಕನೊನು ಈಡೆತ್ತಾವುನ ಉಮೇದ್ ತೋಜಾವೊಂದುಪ್ಪುನ ಕೇಂದ್ರ ಸರ್ಕಾರೊದ ಮಿತ್ತ ಮಲ್ಲ ಜಬದ್ದರಿ ಉಂಡು. ದೇಶೊದ ಆರ್ಥಿಕ ಚಟುವಟಿಕೆಲೆಗ್ ಉತ್ತೇಜನ ಕೊರೊಡು, ಇನ್‌ಫ್ಲೇಶನ್ ಗ್ ತಿಕಲೊಂದಿನ ಪಾಪದಕುಲು, ಮಧ್ಯಮ ವರ್ಗೊದ ಜನೊಕುಲು ಬೊಕ್ಕ ಕಿಞ್ಞ ವ್ಯಾಪಾರಿಲೆಗ್ ಪೂರಕ ಆಪಿನ ಬಜೆಟ್ ಮಂಡನೆ ಮನ್ಪುನ ಸವಾಲ್ ಕೇಂದ್ರೊದ ಎದುರು ಉಂಡು. ಅಂಚಾದ್ ನಿರೀಕ್ಷೆಲು ಪಾಕ ಇತ್ತ್‌ದ್, ಸರ್ಕಾರ ಎಂಚ ಮಾತೆನ್ಲಾ ಕೋಡಿ ಎತ್ತಾವುಂಡು ಪನ್ದ್ ಕಾತ್‌ದ್ ತೂವೊಡಾತೆ.