‘ಪಾಡ್ದನ ಸಿರಿ’ ಲಕ್ಷ್ಮೀ ಶೇರಿಗಾರ್ತಿ ತೀರ್ಯೆರ್

Last updated on February 27th, 2025 at 01:53 pm

ಶಿರ್ವ: ಪಾಡ್ದನೊಲೆನ್ ಪನೊಂದಿತ್ತಿನ ಪಡುಅಲೆವೂರು ಪೆರುಪಾದೆದ ಲಕ್ಷ್ಮೀ ಶೇರಿಗಾರ್ತಿ (98) ಮೇರ್ ಒಂತೆ ಸಮೆರ್ದಿಂಚಿ ಉಸಾರ್ ತತ್ತ್‌ದಿತ್ತ್‌ದ್, ಐತಾರದಾನಿ ತೀರ್ದೆರ್.

ನಟ್ಟಿ ಕಂಡ, ಮದಿಮೆದ ಇಲ್ಲಲೆಡ್ ಪಾಡ್ದನ, ತುಳುನಾಡ್‌ದ ಬೇತೆ ಬೇತೆ ದೈವೊಲೆನ ಪಾಡ್ದನ, ಸಂಧಿಲೆನ್ ಪನ್ಪುನ ಮುಕೇನ ಮೇರ್ ಪುಗರ್ತೆ ಪಡೆದಿತ್ತೆರ್. ಮೇರ್ ಪಂಜುರ್ಲಿ, ಕೋಟಿ– ಚೆನ್ನಯ, ಸಿರಿ ಪಾಡ್ದನೊಲೆನ್ ಇಂಚಿಪ್ಪ ಮುಟ್ಟ ಉದ್ದೋಗು ಪನೊಂದಿತ್ತೆರ್. ಮೆರೆನ ಪಾಡ್ದನ ಕ್ಷೇತ್ರೊದ ಅನುಭವ, ಸಾದಗೊನು ಗುರ್ತ  ಪತ್ತ್‌ದ್ ದೆಂದೂರು ಕೊಲ್ಲು ಕೃಷ್ಣ ಶೆಟ್ಟಿ ಫೌಂಡೇಷನ್‌ರ್ದ್ ಕೊಲ್ಲು ಶೆಡ್ತಿ ಸ್ಮರಣಾರ್ಥ ‘ಪಾಡ್ದನ ಸಿರಿ’ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತಿತ್ತೆರ್.

ಮೇರ್ ಏಳ್ ಜನ ಆಣ್  ಜೋಕುಲು, ಇರ್ವೆರ್ ಪೊಣ್ಣು ಜೋಕುಲು, ಪುಲ್ಲಿ ಪುಡ್ಕೆಲೆನ್ ಅಗತ್‌ದೆರ್.