Last updated on February 8th, 2025 at 01:35 pm
ಅಪಗೊರ ಮಹಾಲಿಂಗ ನಾಯ್ಕೆರ್ ತನ್ನ ಸಾದಗೊಗು ಪದ್ಮಶ್ರೀ ಪ್ರಶಸ್ತಿಗ್ ಅಜತ್ ಬತ್ತಿನೇ ಇಡೀ ತುಳುನಾಡ್ ಪುಗರ್ದ್, ಕುಸಿ ಪಡೆದಿತ್ತ್ಂಡ್. ಆರೆನ ಸಾದಗೊನು ಇಡೀ ದೇಶೊನೇ ಪುಗರ್ದಿತ್ತಂಡ್. ಆಂಡ ಇತ್ತೇ ಬೊಡೆದಿನ ಆಸ್ಪತ್ರೆದ ಕರ್ಚಿ ಕೊರ್ರೆ ಆವಂದೆ ಬೆಸರ್‌ಡ್ ಉಲ್ಲೆರ್.
ಪ್ರಗತಿಪರ ಕೃಷಿಕೆ ಆದ್ ದೇಶೊದ ಮಾಮಲ್ಲ ಮಾನಾದಿಗೆ ‘ಪದ್ಮಶ್ರೀ’ ಗೆಂದ್‌ದಿನ ಅಮೈ ಮಹಾಲಿಂಗ ನಾಯ್ಕೆರೆಗ್ ಇತ್ತೆ ಪ್ರಾಯ ಆದ್ ಸರ್ರೊದ ಶಕ್ತಿ ಜಗ್ಗ್‌ದ್ಂಡ್. ಕೃಷಿತ ಉತ್ಪತ್ತಿಡೇ ದಿನ ಕರಿಪುನ ಈ ಪೊರ್ತುಡು ಅಮೈದಾರೆನ ಬೊಡೆದಿ ತರೆತ ನರತ ಸಮಸ್ಯೆಡ್ ಆಸ್ಪತ್ರೆ ಸೇರ್ದೆರ್. ಸುರುಕು ಒಂತೆ ಸಮೆ ಪುತ್ತೂರು ಆಸ್ಪತ್ರೆಡ್ ಮರ್ದ್ ಮಲ್ತ್‌ದೆರ್. ಆಂಡ ಅಲ್ಪದ ಬೈದ್ಯೆರ್ ಕುಡ್ಲದ ಆಸ್ಪತ್ರೆಗ್ ದಾಕಲಾಯೆರ ಪನ್ತೆರ್.
ಅಂಚ ಕಣ್ಣೂರು ಕೊಡಕ್ಕಲ್‌‌ಡ್ ಉಪ್ಪುನ ಫಸ್ಟ್ ನ್ಯೂರೊ ಆಸ್ಪತ್ರೆಗ್ ಬತ್ತ್‌ದ್ ದಾಕಲಾತೆರ್. ಇತ್ತೆಗಾನಗ ಕೈಟಿತ್ತಿ ಕಾಸ್, ಅಕುಲೆಡ ಮೊಕುಲೆಡ ಕೇನ್ದ್ ಒಟ್ಟು ಮಲ್ತ್ 2.65ಲಕ್ಷ ರೂ. ಮರ್ದ್‌ದ ಕಾಸ್ ಕಟ್ಟ್‌ದೆರ್. ಇತ್ತೆ ಕುಡ ಮರ್ದ್‌ದ ಕರ್ಚಿ 2.50ಲಕ್ಷ ರೂಪಾಯಿ ಕಟ್ಟೊಡು. ಕೈಟ್ ಕಾಸ್ ಇಜ್ಜಂದೆ ಅಮೈ ಮಹಾಲಿಂಗ ನಾಯ್ಕೆರ್ ಕಂಗಾಲಾತೆರ್. ಗುಡ್ಡೆಡೇ ಸುರಂಗ ಮಲ್ತ್‌ದ್ ನೀರ್‌ದ ಕೋಡಿನೇ ಪರಿಪಾದಿತ್ತಿನ ಅಮೈ ಮಹಾಲಿಂಗ ನಾಯ್ಕೆರ್ ಆಸ್ಪತ್ರೆದ ಕರ್ಚಿ ಕಟ್ಟೆರಾವಂದೆ ಬಂಙೊಡುಲ್ಲೆರ್. ದಾನಿಲು ಮೆರೆನ ಸಕಾಯೊಗು ಬರೊಡು. ಪದ್ಮಶ್ರೀ ಪುರಸ್ಕೃತನ ಸಂಕಷ್ಟೊಗು ಇಡೀ ತುಳುನಾಡು ಕೈಗೋಡ್ಯಾವೊಡಾದ್ ಬೈದ್ಂಡ್.
ಬ್ಯಾಂಕ್ ಅಕೌಂಟ್‌ದ ಒಲವು:
ಮಹಾಲಿಂಗ ನಾಯ್ಕ್
ಕೆನರಾ ಬ್ಯಾಂಕ್, ವಿಟ್ಲ
A/C No: 110037237088
IFSC Code: CNRB0010141