Last updated on February 21st, 2025 at 12:56 pm
ಬೊಲ್ತೇರ್: ರಿಕ್ಷಾಡ್ ಅಕ್ರಮವಾದ್ ಪೆತ್ತೊಲೆನ್ ಕೊನೊವೊಂದಿತ್ತಿನ ಆರೋಪಿಲೆನ್ ಪೊಲೀಸೆರ್ ಕೈದ್ ಮಲ್ದಿನ ನಡಕೆ ಬೊಲ್ತೇರ್ ತಾಲೂಕ್ ಕಳೆಂಜ ಗ್ರಾಮೊದ ಗಾಳಿತೋಟ ಪನ್ಪಿನಲ್ಪ ನಡತ್‌ದ್ಂಡ್. ಬೊಲ್ತೇರ್‌ದ ಕಳೆಂಜ ಗ್ರಾಮೊದ ಲಾಲೂ ವರ್ಕಿ(51), ಇರಾನಿ(65) ಕೈದಾತಿನಕುಲು.
ಕುಡುಮ ಪೊಲೀಸ್ ಸ್ಟೇಶನ್ ಸಿಬ್ಬಂದಿಲು ಹೆಚ್ ಸಿ ಪ್ರಶಾಂತ್, ಪಿಸಿ ಮಧು ಬಿ ಬೊಕ್ಕ ಪಿ.ಸಿ ಯೋಗೀಶ್‌ ಮೊಕಲೆನೊಟ್ಟುಗು ಎಸ್ ಐ ಸಮರ್ಥ್ ಆರ್ ಗಾಣಿಗೇರ ಮೇರ್ ಸ್ಟೇಶನ್ ಸೀಮೆಡ್ ರೌಂಡ್ಸ್ ಬೇಲೆಡ್ ಚಾರ್ಮಾಡಿ, ಕಕ್ಕಿಂಜೆದ ನೆರಿಯಾ ಗ್ರಾಮೊಡು ರೌಂಡ್ಸ್ ಪೋವೊಂದುಪ್ಪುನಗ ಫೆ.20 ದಾನಿ ಮಧ್ಯಾಹ್ನ ಸುಮಾರ್ 1:20 ಗಂಟೆಗ್ ಗಾಳಿತೋಟ ಪನ್ಪಿನಡೆ ಎತ್ತ್‌ನಗ ಕಳೆಂಜ ನಂದಗೋಕುಲ ದಂಚಿರ್ದ್ ಕಾಯರ್ತಡ್ಕ ಕಡೆಗೆ ಕೆಎ 70 0586 ರಿಕ್ಷಾಡ್ ಆರೋಪಿಲು ಪಿರವುಡು ಜನ ಕುಲ್ಲುನ ಸೀಟ್‌ಡ್ ಒವ್ವೇ ಲೈಸೆನ್ಸ್‌ದಾಂತೆ ಕೈಕಂಜಿಲೆನ್ ಬಲ್ಲ್‌ಡ್ ಕಯ್ತ್‌ದ್ ಕಟ್ಟ್‌ದ್ ಒವ್ವೇ ಸುರಕ್ಷತಾ ಕ್ರಮೊಕುಲೆನ್ ಮನ್ಪಂದೆ ಹಿಂಸಾತ್ಮಕ ರೀತಿಡ್ ಕೊನೊವೊಂದುಪ್ಪುನೆನ್ ಪತ್ತ್‌ದ್ ಪ್ರಕರಣ ದಾಕಲ್ತೊಂದೆರ್.