Last updated on February 17th, 2025 at 02:34 pm
ಪುತ್ತೂರು ಫೆ. 17: ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇಲಂತಡೆದ ಸುತ್ತಮುತ್ತೊದ ಜಾಗೆಡ್ ನಡತೊಂದುಪ್ಪುನ ಬೇಲೆದ ಪೊರ್ತುಡು ತಾರೆ ಬೂರ್ದು ಕಾರ್ಮಿಕೆ ಒರಿಯಗ್ ಗಾತಿದ ಗಡಿಕುಲಾತಿನ ನಡಕೆ ದೇಲಂತಡೆದ ಕೆದುತ ಕೈತಲ್ ನಡತ್‌ದ್ಂಡ್.
ದೇಲಂತಡೆದ ಚಾಕಿರಿದಾರ್ ರವಿ(35) ಗಾತಿದ ಪೆಟ್ಟಾತಿನಾರ್. ಪುತ್ತೂರ್‌ದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್‌ದ್ ಮರ್ದ್ ಮಲ್ತೊಂದುಲ್ಲೆರ್. ಪುತ್ತೂರು ಮಹಾಲಿಂಗೇಶ್ವರ ದೇಲಂತಡೆದ ಸುತ್ತಮುತ್ತೊದ ಜಾಗೆಡ್ ಬುಲೆಚ್ಚಿಲ್ ಬೇಲೆಲು ನಡತೊಂದುಲ್ಲ. ಈ ಬೇಲೆಲೆಗ್ ದೇಲಂತಡೆದ ನಿಚ್ಚೊದ ಚಾಕಿರಿ ಸಿಬ್ಬಂದಿಲೆನ್ ಅನಧಿಕೃತವಾದ್ ಬೆನ್ಪಾವೊಂದುಲ್ಲೆರ್ ಪನ್ಪಿ ಆರೋಪ ಕೇನ್ದ್ ಬೈದಿತ್ತ್‌ದ್, ಇನಿ ಮರ ಕಡ್ಪೆರ ದೇಲಂತಡೆದ ಸಿಬ್ಬಂದಿಲೆನ್ ಲೆತೊಂದು ಪೋದಿತ್ತೆರ್. ಈ ಪೊರ್ತುಡು ಈ ಅತ್ತಂದಿ ನಡಕೆ ನಡತ್‌ದ್ಂಡ್. ಕರಿನ ಕೆಲ ದಿನೊರ್ದಿಂಚಿ ಪುತ್ತೂರು ಮಹಾಲಿಂಗೇಶ್ವರ ದೇಲಂತಡೆದ ವ್ಯವಸ್ಥಾಪನಾ ಸಮಿತಿ ದೇಲಂತಡೆದ ನಿಚ್ಚೊದ ಸಿಬ್ಬಂದಿಲೆನ್ ಬೇತೆ ಬೇಲೆಲೆಡ್ ಬೆನ್ಪಾವೊಂದುಲ್ಲೆರ್ ಪನ್ಪಿ ಆರೋಪ ಕೇನ್ದ್ ಬೈದ್ಂಡ್.