Last updated on February 9th, 2025 at 04:55 pm
ಬೆಂಗಳೂರು, ಫೆ. 09: ಮೀಂದ್ಯೆರ ಪೋದಿತ್ತಿನ ಐವೆರ್ ವಿಧ್ಯಾರ್ಥಿಲೆಡ್ ಇರ್ವೆರ್ ವಿಧ್ಯಾರ್ಥಿಲು ನೀರ್‌ಡ್ ಮುರ್ಕುದು ತೀರಿನ ನಡಕೆ ಬನ್ನೇರುಘಟ್ಟ ಮುಟ್ಟದ ಸುವರ್ಣಮುಖಿ ಕಲ್ಯಾಣಿ ಡ್ ನಡತ್‌ದ್ಂಡ್. ಈ ಪೊರ್ತುಡು ಪಾಸಾಡಿಲು ಅಲ್ಪನೇ ಬರಿಟೇ ಇತ್ತೆರ್ನ್ಡಲಾ ಅಕ್ಲೆನ್ ಬದ್‌ಕಾಯೆರ ಆತಿಜಿ.
ಬೊಮ್ಮನಹಳ್ಳಿ ಗಾರ್ವೇಬಾವಿ ಪಾಳ್ಯದ ದೀಪು (20) ಬೊಕ್ಕ ಯೋಗಿಶ್ವರನ್ (20) ತೀರ್ದಿನಕುಲು. ಮೊಬೈಲ್ ಕ್ಯಾಮರಾಡ್ ಇರ್ವೆರ್ ವಿದ್ಯಾರ್ಥಿಲೆನ ಅಕೇರಿದ ದೃಶ್ಯ ಕೈದಾತ್ಂಡ್. ಬೊಮ್ಮಸಂಸ್ರದ ಎಸ್ಎಫ್ಎಸ್ ಕಾಲೇಜಿದ ಐವೆರ್ ವಿದ್ಯಾರ್ಥಿಲು ಬನ್ನೇರುಘಟ್ಟ ಸುವರ್ಣಮುಖಿಗ್ ಮೀಂದ್ಯೆರ ಪೋತೆರ್. ಅವೆರ್ದ್ ಬೊಕ್ಕ ಕಲ್ಯಾಣಿಗ್ ಮೀಂದ್ಯೆರ ಜತ್ತ್‌ದೆರ್. ಉಂದೆಟ್ ದೀಪು, ಯೋಗೇಶ್ವರ್‌ಗ್ ಮೀಂದ್ಯೆರ ಆವಂದೆ ಕೈ ಕಾರ್ ಆಕೊಂದೆರ್. ಒಂತೆ ಪೊರ್ತು ಜೂವ ಒರಿತೊನರೆ ಪೊರ್ಮ್ಬುದೆರ್. ಇಂಚಿರ್ದ್ ಬದ್‌ಕಾಯೆರಲಾ ಆವಂದೆ ಒರಿನ ಪಾಸಾಡಿಲು ಕಂಗಾಲಾತೆರ್.
ಮೀಂದ್ಯೆರೆ ಬರಂದೆ ಒರ್ಯನ ಬೆರಿಟೇ ಕುಡೊರಿ, ಇರ್ವೆರ್ ಪಾಸಾಡಿಲು ಒರಿನ ಪಾಸಾಡಿಲೆ ಕಣ್ಣೆದುರುಡೇ ಮುರ್ಕುದು ತೀರ್ದೆರ್. ನಡಕೆದ ಸಂಪೂರ್ಣ ವಿಡಿಯೋ ಅಲ್ಪದ ಜವನನ ಮೊಬೈಲ್ ಕ್ಯಾಮರಾಡ್ ಕೈದಾತ್ಂಡ್.