Last updated on February 20th, 2025 at 07:54 pm
ಕುಡ್ಲ: ಕೋಟೆಕಾರ್‌‌ಡುಪ್ಪುನ ಕೆನರಾ ಬ್ಯಾಂಕ್ ಲಾಕರ್ ಡ್ ದೀದಿತ್ತಿನ 8 ಲಕ್ಷ ರೂ. ನ್, 6 ತಿಂಗೊಲು ಕರಿದ್ ಮರ್ದ್‌ಗ್ ಬೋಡಾದ್ ದೆಪ್ಪೆರೆ ಲಾಕರ್ ಓಪನ್ ಮಲ್ತ್‌ದೆರ್. ಆಂಡ ಬ್ಯಾಂಕ್ ಲಾಕರ್ಡ್ ದೀದಿತ್ತಿನ 8 ಲಕ್ಷ ರೂಪಾಯಿನ್ ಉದಲ್ ತಿಂದ್ ಪಾಡ್ದ್ಂಡ್.
ಬ್ಯಾಂಕ್ ದಕುಲೇ ಲಾಕರ್‌ನ್ ಓಪನ್ ಮಲ್ತ್‌ದೆರ್. ಲಾಕರ್ ಬರ್ಸದ ನೀರ್‌ಡ್ ಚಂಡಿ ಆತಿನ ಸ್ಥಿತಿಟ್ ಇತ್ತ್ಂಡ ಕಾಸ್ ಅಲಕ್ಕ ಕಪ್ಪಾದ್ ಪೊಡಿ ಪೊಡಿ ಆದ್ ಉದಲ್ ಪತ್ತ್‌ದ್ ಚೂರು ಚೂರಾದ್ ಬೂರ್ದಿತ್ತ್ಂಡ್.
ಆರ್‌ಬಿಐ ನಿಯಮೊದ ಪ್ರಕಾರ ಪ್ರಕಾರ ದುಡ್ಡುನು ಲಾಕರ್ಡ್ ದೀಯೆರೆ ಇಜ್ಜಿ ಅಂಚಾದ್ ಉಂದೆಕ್ಲಾ ಎಂಕ್ಲೆಗ್ಲಾ ಸಂಬಂಧ ಇಜ್ಜಿ ಪನ್ದ್ ಬ್ಯಾಂಕ್‌ದಕುಲು ಪನ್ತೆರ್. ಲಾಕರ್ಡ್ ಕಾಸ್ ದೀತಿನಕುಲು ಬೆಂಗಳೂರ್‌ಗ್ ಪೋದು ಪ್ರಧಾನ ಕಚೇರಿಡ್ ಒಯಿಲ್ ಬರೆಪಾದ್, ಪರ ಕಟ್ವಾನೊದ ನಿರ್ವಹಣೆ ಸಮದಾಂತಿನೆರ್ದಾವರ ಸಮಸ್ಯೆ ಆತ್ಂಡ್. ಅಂಚಾದ್ ಸಮ ಮಲ್ತ್ ಕೊರೊಡು ಪನ್ದ್ ಕಾಯೆಸ್ ಮಲ್ದೆರ್.