Last updated on February 5th, 2025 at 12:08 pm
ಸುಮಾರ್ 3 ತಿಂಗೊಲುಗ್ ದುಂಬು ಉಂದುವೇ ಜಾಗೆಡ್ ಉಂದೇ ಲೆಕ ಬೈಕ್‌ದ ಮಿತ್ತ್ ಮರ ಬೂರ್ದು, ಬೈಕ್ ಬುಡೊಂದಿತ್ತಿನ ಜನತ ಪೆರಣ ಪೋದಿತ್ತ್ಂಡ್. ಈ ಪೊರ್ತುಡು ಸಾದಿ ಬರಿಟ್ ಇಪ್ಪುನ ಮರೊಕುಲೆನ್ ಕಡ್ಪೆರ ಊರುದಕುಲು ಆಗ್ರಹ ಮಲ್ತಿತ್ತೆರ್. ಆಂಡ ಆ ಪೊರ್ತುಡು ಕಣ್ಣ್‌ಕಟ್ಟ್‌ಗ್ ಕಾಲಿ ರಡ್ಡ್ ಮರೊಕುಲೆನ್ ಕಡ್ತ್‌ದ್ ಜನೊಕ್ಲೆನ್ ಮಂಗೆ ಮಲ್ದೆರ್ ಪನ್ದ್ ಅರಣ್ಯ ಇಲಾಖೆದ ಮಿತ್ತ್ ಆರೋಪ ಕೇನ್ದ್ ಬತ್ತಿತ್ತ್ಂಡ್. ಈ ಆರೋಪೊಗು ಪುಷ್ಟಿ ಕೊರ್ಪುನಂಚಿನ ನಡಕೆ ಕೋಡೆ ನಡತ್‌ದ್ಂಡ್.
ಪೋವೋಂದಿತ್ತಿನ ಬೈಕ್‌ದ ಮಿತ್ತ್ ದೂಪದ ಮರ ಬೂರ್ದ್ ಬೈಕ್ ಬುಡೊಂದಿತ್ತಿನ ಜನಕ್ ಗಡಿಕುಲಾತಿನ ನಡಕೆ ಕಡಬ – ಪಂಜ ಸಾದಿದ ಪುಳಿಕುಕ್ಕು ದಲ್ಪ ಅಂಗಾರೆ ಬಯ್ಯಡ್ ( ಫೆ.4) ನಡತ್‌ದ್ಂಡ್.
ಕೋಡೆದ ನಡಕೆಡ್ ಕಡಬ ತಾಲೂಕ್‌ದ ಕೋಡಿಂಬಾಳ ಗ್ರಾಮದ ಪಟ್ನ ನಿವಾಸಿ, ಪಿಗ್ಮಿ ಕಲೆಕ್ಟರ್ ಯಶವಂತ ಪನ್ಪಿನಾರೆಗ್ ಗಡಿಕುಲಾತ. ಆರೆನ್ ಆಸ್ಪತ್ರೆಗ್ ದಾಕಲ್ತ್‌ದೆರ್.
ಸುಮಾರ್ 3 ತಿಂಗೊಲು ದುಂಬು ಉಂದುವೇ ಜಾಗೆಡ್ ಬೈಕ್‌ದ ಮಿತ್ತ್ ಮರ ಬೂರ್ದ್ ಸೀತಾರಾಮ ಗೌಡ ಪನ್ಪಿನ ಪಿಗ್ಮಿ ಕಲೆಕ್ಟರ್ ಒರಿ ತೀರ್ದಿತ್ತೆರ್.
ನಡಕೆದ ಜಾಗೆಡ್ ಜನ ಸೇರ್ದ್, ಅರಣ್ಯ ಇಲಾಖೆದ ಮಿತ್ತ್ ಆಕ್ರೋಶ ತೋಜಾದೆರ್.