Last updated on February 3rd, 2025 at 06:19 pm
ಪುತ್ತೂರು: ಪುತ್ತೂರು ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇಲಂತಡೆದ ಅಭಿವೃದ್ದಿದ ಚಿಂತನೆಡ್ ದೇಲಂತಡೆದ ಜಾಗೆಡ್ ವಾಸ್ತವ್ಯ ಇತ್ತಿನ ಇಲ್ಲದಕುಲು ಇಲ್ಲ್ ಬುಡ್ದ್ ಕೊರಿಲೆಕನೆ ಇಲ್ಲ್‌ಲೆನ್ ದೆಪ್ಪುನ ಬೇಲೆ ನಡತೊಂದಿತ್ತ್‌ದ್, ಇತ್ತೆ ಪಾಕ ಇಲ್ಲ್‌ಲೆನ್ ದೆತ್ತ್‌ದ್ ಆತ್ಂಡ್. ಉಂದೆತ ಬೇಲೆ ಮಲ್ತೊಂದಿತ್ತಿನ ಪೊರ್ತುಡು ಒಂಜಿ ಇಲ್ಲದ ಮಿತ್ತ್ ಮರ ಬೂರ್ದಿತ್ತ್‌ದ್, ಜಾಗೆಗ್ ಶಾಸಕೆ ಅಶೋಕ್ ರೈ ಬತ್ತ್‌ದ್ ತೂಯೆರ್. ಈ ಪೊರ್ತುಡು ನನಲಾ ತೆರವು ಆವಂದೆ ಒರಿದಿನ ರಾಜೇಶ್ ಬನ್ನೂರು ಮೇರ್ ಇತ್ತಿನ ಇಲ್ಲ್‌ನ್ ಶಾಸಕೆರ್ ವೀಕ್ಷಣೆ ಮಲ್ತೆರ್.
ಈ ಪೊರ್ತುಡು ಪಾತೆರ್ನ ಶಾಸಕೆರ್, ಇಲ್ಲ್ ದೆಪ್ಪೆರೆ ಬಾಕಿಯಾತಿನ ರಾಘವೇಂದ್ರ ವಕೀಲೆರೆಡಲಾ ಪಾತೆರ್ದೆ. ಆರೆನ ಇಲ್ಲಡ್ ಬಾಡಿಗೆ ಇತ್ತಿನಕುಲು ಮಾತ ಬುಡ್ದು ಪೋತೆರ್. ರಾಘವೇಂದ್ರ ವಕೀಲೆರ್ ಒಂತೆ ಸಮೆ ಕೇಂದೆರ್. ಕುಡೊರಿ ರಾಜಾರಾಮ ಭಟ್ರೆನ ಇಲ್ಲದಕುಲು ಬತ್ತ್‌ದ್ ಪಾತೆರ್ದೆರ್. ನನ ಒರಿದಿನ ರಾಜೇಶ್ ಬನ್ನೂರು ಮೆರೆನ ಇಲ್ಲ್ ಮಾತ್ರ. ಆರೆನ ಮನಸ್ಸ್ ಎಡ್ಡೆ ಉಂಡು. ಆರ್ ಎನ್ನ ಆತ್ಮೀಯೆರ್. ಅಂಚಾದ್ ಆರ್ ಇಲ್ಲ ಬುಡ್ದ್ ಕೊರ್ಯೆರ ಉಲ್ಲೆರ್. ಕೋರ್ಟ್‌ಗ್ ಪೋತಿನಕ್ಲೆಗ್ ಸ್ಟೇ ತಿಕ್ಕ್‌ದಿಜಿ ಪನ್ದ್ ಪನ್ಡೆರ್.