Last updated on February 23rd, 2025 at 07:37 pm
ರನ್ ಮೆಷಿನ್ ವಿರಾಟ್ ಕೊಹ್ಲಿ ಕ್ರಿಕೆಟ್‌ಡ್ ರೆಕಾರ್ಡ್‌ದ ಬೆರಿಕ್ ರೆಕಾರ್ಡ್ ಮಲ್ತೊಂದುಪ್ಪುವೆರ್. ಇನಿ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್‌ಡ್ 14000 ರನ್ ಒಟ್ಟು ಮಲ್ತ್‌ದ್ ವಿರಾಟ್ ಪೊಸತೊಂಜಿ ದಾಖಲೆ ಬರೆಯೆರ್.
ದುಬೈಡ್ ನಡತೊಂದುಪ್ಪುನ ಚಾಂಪಿಯನ್ಸ್ ಟ್ರೋಫಿ 2025 ಡ್ ಪಾಕಿಸ್ತಾನೊದ ಎದುರುದ ಗೊಬ್ಬುಡು 15 ರನ್ ಮನ್ಪುನ ಮುಕೇನ ಕೊಹ್ಲಿ ಈ ದಾಖಲೆ ಬರೆತೆರ್.
ಈ ಮುಕೇನ 14000 ರನ್ ಮಲ್ದಿನ ಮೂಜನೇ ಗೊಬ್ಬುಗಾರೆ ಆಯೆರ್, ಆರೆರ್ದ್ ದುಂಬು ಸಚಿನ್ ತೆಂಡೂಲ್ಕರ್ ಬೊಕ್ಕ ಕುಮಾರ್ ಸಂಗಕ್ಕರ ಮಲ್ತ್‌ದೆರ್.
ವಿರಾಟ್ 299 ಮ್ಯಾಚ್‌ಲೆಡ್ ಕಾಲಿ 287 ಇನ್ನಿಂಗ್ಸ್ ಗೊಬ್ಬುದು ಈ ದಾಖಲೆ ಮಲ್ತ್‌ದ್ ಈ ಮೈಲಿಕಲ್ಲ್‌ಗ್ ಮಾತೆರೆರ್ದ್ ಬೇಗ ಎತ್ತ್‌ದ್ ಸಚಿನ್‌ರೆನ 350 ಇನ್ನಿಂಗ್ಸ್ ಬೊಕ್ಕ ಸಂಗಕ್ಕರೆರೆನ 378 ಇನ್ನಿಂಗ್ಸ್‌ಲೆನ ರೆಕಾರ್ಡ್ ಪೊಲ್ತ್‌ದೆರ್.
ಇನಿತ ಗೊಬ್ಬುಡು ಗೆಂದೆರೆ ಭಾರತೊಗು 242 ರನ್‌ದ ಈಡ್ ಉಂಡು.