ಕೇರಳ – ಮದಿಮೆದ ದುಂಬುನಾನಿ ಬಲ್ಲ್ ಗೆತೊಂದು ಆತ್ಮಹತ್ಯೆ ಮಲ್ತೊಂಡಿನ ಪೊಣ್ಣು

Last updated on February 5th, 2025 at 04:28 pm

ಕೇರಳ ಫೆಬ್ರವರಿ 05: ಮದಿಮೆದ ದುಂಬುನಾನಿ ಪೊಣ್ಣೊರ್ತಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಕೇರಳದ ಮಲಪ್ಪುರಂ ಜಿಲ್ಲೆಡ್ ನಡತ್‌ದ್ಂಡ್. ತೀರ್ದಿನ ಜವನ್ದಿನ್ ಶೈಮಾ ಸಿನಿವರ್(18) ಪನ್ದ್  ಗುರ್ತ ಪತ್ತ್‌ದೆರ್. ಪೊಣ್ಣು ತೀರ್ದಿನ ಬೆರಿಟೇ ಆಲೆನ ಚಙ್ಗಾಯಿಲ ಆತ್ಮಹತ್ಯೆ ಮಲ್ತೊನರ ತೂದು ಆಸ್ಪತ್ರೆಡ್ ಮರ್ದ್ ಗೆತೊನೊಂದುಲ್ಲೆ.

ಶೈಮಾ ಸಿನಿವರ್‌ನ ಅಮ್ಮೆರ್ ತೀರ್ದಿತ್ತ್‌ದ್, ತನ್ನ ಸಂಬಂಧಿಕೆರೆ ಇಲ್ಲಡ್ ಇತ್ತಲ್. ಈ ನಡುಟು ಇಲ್ಲದ ಮುಟ್ಟಡೇ ಇತ್ತಿನ ಜವನೆ ಸಜೀರ್ ಪನ್ಪಿನಾಯನ್ ಮೋಕೆ ಮಲ್ತೊಂದಿತ್ತಲ್. ಆಂಡ ಆಲೆನ ಮೋಕೆಗ್ ವಿರುದ್ಧವಾದ್ ಇಲ್ಲದಕುಲು ಬೇತೆ ಆಣನೊಟ್ಟುಗು ಆಲೆನ ಮದಿಮೆ ನಿಗಂಟ್ ಮಲ್ತಿತ್ತ್‌ದ್, ನಿಶ್ಚಯಲಾ ನಡತಿತ್ತ್ಂಡ್. ಮದಿಮೆಗ್ ಒತ್ತೊನಂದಿನ ಶೈಮಾ ತಾನ್ ಸಜೀರ್‌ನ್ ಮೋಕೆ ಮಲ್ತೊಂದುಪ್ಪುನೆನ್ ಇಲ್ಲದಕ್ಲೆಡ ಪಂಡ್‌ದಿತ್ತಲ್. ಆಂಡ ಇಲ್ಲದಕುಲು ಉಂದೆಕ್ ಒತ್ತೊಂದಿಜ್ಜಂಡ್.

ಅಂಚಾದ್ ಮದಿಮೆದ ದುಂಬುನಾನಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಲ್. ಪೊಣ್ಣು ಆತ್ಮಹತ್ಯೆ ಮಲ್ತೊಂದಿನ ವಿಷಯ ತೆರಿದ್ ಜವನೆಲಾ ಆತ್ಮಹತ್ಯೆ ಮಲ್ತೊನರ ತೂತೆ, ಆಯನ್ ಆಸ್ಪತ್ರೆಗ್ ದಾಕಲ್ತ್‌ದೆರ್.