Last updated on February 23rd, 2025 at 12:47 pm
ಜವನೆ ಒರಿ ಹಾರ್ಟ್ ಅಟ್ಯಾಕ್ ಆದ್ ತೀರ್ದಿನ ನಡಕೆ 34 ನೆಕ್ಕಿಲಾಡಿದ ಕೊಳಕ್ಕೆ ಪನ್ಪಿನಲ್ಪ ನಡತ್‌ದ್ಂಡ್.
ಕೊಳಕ್ಕೆ ನಿವಾಸಿ ದಿ. ಕೃಷ್ಣಪ್ಪ ನಾಯ್ಕ ಪನ್ಪಿನಾರೆನ ಮಗೆ ಕೇಶವ ಕೆ. (28) ತೀರ್ದಿನಾರ್. ವೈನ್‌ಶಾಪ್‌ ಒಂಜೆಟ್ ಬೇಲೆ ಮಲ್ತೊಂದಿತ್ತಿನ ಮೇರೆಗ್ ರಡ್ಡ್ ಮೂಜಿ ದಿನೊರ್ದಿಂಚಿ ಜ್ವರ ಇತ್ತ್‌ದ್, ಉಬಾರ್‌ದ ಪ್ರೈವೇಟ್ ಆಸ್ಪತ್ರೆ ಒಂಜೆರ್ದ್ ಮರ್ದ್ ಗೆತೊಂದಿತ್ತೆರ್.
ಶುಕ್ರವಾರದಾನಿ ಎಸಾರ್ ಇಜ್ಜಿ ಪನ್ದ್ ಬೇಲೆಗ್ ಪೋವಂದೆ ಇಲ್ಲಡೇ ಇತ್ತೆರ್. ಸನಿಯಾರ ಕಾಂಡೆ ಸುಮಾರ್ 3 ಗಂಟೆದ ಅಂದಾಜಿಗ್ ಬೊಡೆದಿ ಲಕ್ಕ್‌ದ್ ತೂನಗ ಜೆತ್ತಿನ ಹಾಸಿಗೆಡೇ ಲಕ್ಕ್‌ದ್ ಮದೆಲ್‌ಗ್ ಒರಗ್‌ದ್ ತಿಗಲೆಗ್ ಕೈ ಪತೊಂದು ಕುಲ್ದಿತ್ತೆರ್. ಅಪಗನೇ ನೆರೆಕರೆತಕ್ಲೆನ ಸಕಾಯೊಡು ಮೆರೆನ್ ಪುತ್ತೂರು ಸರಕಾರಿ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಆಸ್ಪತ್ರೆಡ್ ಆರ್ ತೀರ್ದೆರ್ ಪನ್ದ್ ತೆರಿಪಾದೆರ್.