Last updated on March 3rd, 2025 at 05:12 pm
ಹೈದರಾಬಾದ್: 35 ವರ್ಸ ಪ್ರಾಯೊದ, ಮದಿಮೆ ಆತಿನ ಪೊಂಜೊವು ಒರ್ತಿ ತನ್ನ ಕಂಡನೆ ಬೊಕ್ಕ ಇರ್ವೆರ್ ಜೋಕುಲೆನ್ ಬುಡ್ದು 22 ವರ್ಸ ಪ್ರಾಯೊದ ಜವನನ ಒಟ್ಟುಗು ಬಲ್ತಿನ ನಡಕೆ ಹೈದರಾಬಾದ್‌ಡ್ ನಡತ್‌ದ್ಂಡ್.
ಫೆಬ್ರವರಿ 5 ತಾನಿ ಕಂಡನೆ ಜಯರಾಜ್ ಮೇರ್ ತೆಲಂಗಾಣೊದ ಮೇಡ್ಕಲ್ ಜಿಲ್ಲೆದ ಪೆಟ್ ಬಶೀರಾಬಾದ್ ಪೊಲೀಸ್ ಸ್ಟೇಶನ್‌ಡ್ ತನ್ನ ಬೊಡೆದಿ ಸುಕನ್ಯಾ (35) ನಾಪತ್ತೆ ಆತಲ್ ಪನ್ದ್ ಒಯಿಲ್ ಬರೆಪಾದಿತ್ತೆರ್.
ಜಡ್ತೆ ಮಲ್ತಿನ ಪೊಲೀಸೆರೆಗ್, ಸುಕನ್ಯಾ ತನ್ನ ಕಂಡನೆ ಬೊಕ್ಕ ಇರ್ವೆರ್ ಜೋಕುಲೆನ್ ಬುಡ್ದು ಸಾಮಾಜಿಕ ಮಾಧ್ಯಮೊಡು ಗುರ್ತ ಆತಿನ ಗೋಪಿ (22) ಪನ್ಪಿನಾಯನೊಟ್ಟುಗು ಬಲ್ತ್‌ದಲ್ ಪನ್ದ್ ತೆರಿದ್ ಬೈದ್ಂಡ್.
ಜಯರಾಜ್ ತನ್ನ ಬೊಡೆದಿ ಬೊಕ್ಕ ಆಲೆನ ಚಙ್ಗಾಯಿ ಬೈಕ್‌‌ಡ್ ಪೋಪುನೆನ್ ತೂದು ಅಕಲೆನ ಬೆರಿಯೆ ಪೋತೆರ್. ಕಡೆಕ್ ಮೆಲ್ಟಲ್ ಆಕ್ಸಿಜನ್ ಪಾರ್ಕ್‌ದಲ್ಪ ಅಕಲೆನ್ ಉಂತಾದೆರ್. ತೊಂದರೆ ಆಪಿನ ಗೊಂತಾಯಿನೇ ಗೋಪಿ ಬೊಕ್ಕ ಸುಕನ್ಯಾ ಬೈಕ್‌ನ್ ಅಲ್ಪನೇ ಬುಡ್ದು, ಪೋವೊಂದಿತ್ತಿನ ಬಸ್‌ಗ್ ಮಿತ್ತರ್‌ದ್ ಪದ್ರಾಡಾತೆರ್.
ಅವೆರ್ದ್ ಬೊಕ್ಕ ಜಯರಾಜ್ ಪೊಲೀಸೆರೆಡ ಒಯಿಲ್ ಬರೆಪಾದ್, ಪ್ರಕರಣ ದಾಕಲ್ತ್‌ದೆರ್. ಈ ನಡಕೆ ಕಡೆಸ್ಸ್‌ದ್ ಬೊಲ್ಪುಗು ಬೈದ್ಂಡ್.