Last updated on March 5th, 2025 at 12:42 pm
ಬೊಲ್ತೇರ್ ಮಾ. 05: ಜ್ವರೊರ್ದಾವರ 2 ವರ್ಸ ಪ್ರಾಯೊದ ಬಾಲೆ ಮರ್ದ್ ಪಲಿಪಂದೆ ತೀರ್ದಿನ ನಡಕೆ ಸೌದಿ ಅರೇಬಿಯಾದ ಬುರೈದಾಡಾ ಮಾರ್ಚ್ 2 ತಾನಿ ನಡತ್‌ದ್ಂಡ್.
ಕನ್ಯಾಡಿದ ಅಜಿಕುರಿ ನಿವಾಸಿ, ಸಿವಿಲ್‌ ಕಾಂಟ್ರಾಕ್ಟರ್ ದಿ. ಯಾಕೂಬ್‌ ಮೆರೆನ ಮಗೆ ಹೈದರ್‌ ಅಲಿ ಮೆರೆನ ರಡ್ಡ್ ವರ್ಸ ಪ್ರಾಯೊದ ಬಾಲೆ ಮುಹಮ್ಮದ್‌ ಅಭಿಯಾನ್‌ (2) ತೀರ್ದಿನ ಬಾಲೆ.
ಹೈದರ್‌ ಅಲಿ ಬೊಕ್ಕ ಮಹ್‌ರೂಫಾ ದಂಪತಿಲೆನ ರಡ್ಡ್ ಆಣ್ ಬೊಕ್ಕ ಒಂಜಿ ಪೊಣ್ಣು ಬಾಲೆಲೆಡ್ ಅಕೇರಿದ ಆಯಿನ ಮುಹಮ್ಮದ್‌ ಅಭಿಯಾನ್‌‌ಗ್ ಕಾಲೀ ಒಂಜಿ ದಿನೊತ ಮಟ್ಟ್‌ಗ್ ಜ್ವರ ಇತ್ತ್ಂಡ್. ಜಾವರ ಬತ್ತಿನೇ ಇಲ್ಲದಕುಲು ಬಾಲೆಗಾ ಮರ್ದ್ ಮಲ್ತ್‌ದೆರ್. ಆಂಡ ಜ್ವರ ಎಚ್ಚ ಆದ್ ಆಸ್ಪತ್ರೆಗ್ ಲೆತೊಂದು ಪೋಪಿನ ಸಾದಿದ ನಡುಟೇ ಬಾಲೆ ತೀರ್ದ್ಂಡ್ ಪನ್ದ್ ತೆರಿದ್ ಬೈದ್ಂಡ್.
ಬಾಲೆದ ಅಂತ್ಯಸಂಸ್ಕಾರ ಸೌದಿ ಕಾನೂನು ಪ್ರಕ್ರಿಯೆ ನಡತಿ ಬೊಕ್ಕ ಸೌದಿ ಅರೇಬಿಯಾಡೇ ಮಾ.4 ತಾನಿ ಭಾರತೀಯ ಕಾಲಮಾನೊದ ಪ್ರಕಾರ ಮಧ್ಯಾಹ್ನ ನಡತ್‌ದ್ಂಡ್.