Last updated on March 14th, 2025 at 01:30 pm
ಕುಡ್ಲ: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ 2022, 2023 ಬೊಕ್ಕ 2024ನೇ ವರ್ಸೊದ ಗೌರವ ಪ್ರಶಸ್ತಿ ಪ್ರದಾನ ಬೊಕ್ಕ ಪುಸ್ತಕ ಪ್ರಶಸ್ತಿ ಪ್ರದಾನ ಲೇಸ್ ಎಲ್ಲೆ ಮಾರ್ಚ್ 15ನೇ ಸನಿಯಾರ ಉರ್ವಾಸ್ಟೋರ್‌ಡ್ ತುಳುಭವನೊದ ಅಮೃತ ಸೋಮೇಶ್ವರ ಸಭಾಂಗಣೊಡು ಕಾಂಡೆ 10 ಗಂಟೆರ್ದ್ ನಡಪರೆಗುಂಡು.
2022ನೇ ಸಾಲ್‌ದ ಪುಸ್ತಕ ಬಹುಮಾನೊದ ಕವನ ವಿಭಾಗೊಡು ರಾಜೇಶ್ ಶೆಟ್ಟಿ ದೋಟ ಮೆರೆನ ‘ಮುಗದಾರಗೆ’ ಬೊಕ್ಕ 2023ನೇ ಸಾಲ್‌ದ ಪುಸ್ತಕ ಬಹುಮಾನೊದ ಕವನ ವಿಭಾಗೊಡು ರಘು ಇಡ್ಕಿದು ಮೆರೆನ ‘ಎನ್ನ ನಲಿಕೆ’ ಬೊಕ್ಕ ಕಾದಂಬರಿ ವಿಭಾಗೊಡು ರಾಜಶ್ರೀ ಟಿ. ರೈ ಪೆರ್ಲ ಮೆರೆನ ‘ಮುಸ್ರಾಲೊ ಪಟ್ಟೊ’, ಅನುವಾದ ವಿಭಾಗೊಡು ಕುಶಾಲಾಕ್ಷಿ ವಿ. ಕುಲಾಲ್‌ ಮೆರೆನ ‘ತಗೊರಿ ಮಿತ್ತ್‌ದ ಮಣ್ಣ್’ ಕೃತಿ ಅಜತ್ ಬೈದ್ಂಡ್.
2022ನೇ ಸಾಲ್‌ದ ಉಷಾ ಪಿ. ರೈ ದತ್ತಿನಿಧಿ ಪ್ರಶಸ್ತಿಗ್ ಡಾ.ಕಬ್ಬಿನಾಲೆ ವಸಂತ ಭಾರದ್ವಾಜ್‌ರೆನ ‘ತುಳು ಕಾವ್ಯ ಮೀಮಾಂಸೆ’ ಬೊಕ್ಕ 2023ನೇ ಸಾಲ್‌ದ ಉಷಾ ಪಿ. ರೈ ದತ್ತಿನಿಧಿ ಪ್ರಶಸ್ತಿಗ್ ಡಾ. ಚಿನ್ನಪ್ಪ ಗೌಡೆರ್ನ ‘ಕರಾವಳಿ ಕಥನ’ ಕೃತಿ ಅಜತ್ ಬೈದ.
2022ನೇ ಸಾಲ್‌ದ ಕೆ.ಅಮರನಾಥ ಶೆಟ್ಟಿ ದತ್ತಿನಿಧಿ ಪ್ರಶಸ್ತಿಗ್ ಯಶೋಧಾ ಮೋಹನ್‌ರೆನ ‘ದೇರ ಮಾಮುನ ದೂರ ನೋಟೊಲು’ ಬೊಕ್ಕ 2023ನೇ ಸಾಲ್‌ದ ಕೆ.ಅಮರನಾಥ ಶೆಟ್ಟಿ ದತ್ತಿನಿಧಿ ಪ್ರಶಸ್ತಿಗ್ ಡಾ. ವಿ. ಕೆ. ಯಾದವ್‌ ಮೆರೆನ ‘ಮೊಗವೀರೆರ್‌ನ ಸಾಂಸ್ಕೃತಿಕ ಬದ್ಕ್ ಬೊಕ್ಕ ಆರ್ಥಿಕ ಚಿಂತನೆ’ ಅಂಚೆನೇ 2022ನೇ ಸಾಲ್‌ದ ಶಿವಾನಂದ ಕರ್ಕೇರ ದತ್ತಿನಿಧಿ ಪ್ರಶಸ್ತಿಗ್ ಶಾರದಾ ಅಂಚನ್‌ರೆನ ‘ನಂಬಿ ಸತ್ಯೊಲು’, 2023ನೇ ಸಾಲ್‌ದ ಶಿವಾನಂದ ಕರ್ಕೇರ ದತ್ತಿನಿಧಿ ಪ್ರಶಸ್ತಿಗ್ ರಘುನಾಥ ವರ್ಕಾಡಿ ಮೆರೆನ ‘ಸೂರ್ಯಚಂದ್ರ ಸಿರಿ’ ಕೃತಿ ಅಜತ್ ಬತ್ತ್‌ದ.
ಈ ಲೇಸ್‌ಡ್ ಸ್ಪೀಕರ್ ಯು ಟಿ ಖಾದರ್, ಸಚಿವೆರ್ ದಿನೇಶ್ ಗುಂಡೂರಾವ್ ಬೊಕ್ಕ ಶಿವರಾಜ್ ಎಸ್ ತಂಗಡಗಿ, ಶಾಸಕೆ ವೇದವ್ಯಾಸ ಕಾಮತೆರ್, ಕನ್ನಡ ಅಭಿವೃದ್ಧಿ ಪ್ರಾಧಿಕಾರೊದ ಡಾ ಪುರುಷೋತ್ತಮ ಬಿಳಿಮಲೆ ಅಂಚೆನೇ ಅಕಾಡೆಮಿದ ಗುರ್ಕಾರ್ಲು ತಾರಾನಾಥ್ ಗಟ್ಟಿ ಕಾಪಿಕಾಡ್ ಮೊಕುಲು ಪಾಲ್‌ಪಡೆಪೆರ್.