Last updated on March 19th, 2025 at 07:58 am
ಮುಲ್ಕಿ, ಮಾ. 19: ಕರೆಂಟ್ ಕುಂದೊಗು ಬೈಕ್ ಎಡ್ತ್‌ದ್ ಬೈಕ್‌ಡ್ ಇತ್ತಿನ ಇರ್ವೆರ್ ಜವನೆರ್ ತೀರ್ದಿನ ನಡಕೆ ಕೋಡೆ ರಾತ್ರೆ ಮುಲ್ಕಿಗ್ ಮುಟ್ಟದ ಬಟ್ಟಕೋಡಿ ಪನ್ಪಿನಲ್ಪ ನಡತ್‌ದ್ಂಡ್.
ಧಾರವಾಡದ ಕಲ್ಲೂರು ನಿವಾಸಿ ಆತ್ಮಾನಂದ ಅಂಬಿಗರ(27) ಬೊಕ್ಕ ನವೀನ್ ಹೂಗಾರ (26) ತೀರ್ದಿನಕುಲು. ಬೈಕ್‌ಡ್ ಬಾರೀ ಬರಸ್‌ಡ್ ಬತ್ತ್‌ದ್ ಸಾದಿ ಬರಿತ ಕರೆಂಟ್ ಕುಂದೊಗು ಎಡ್ತ್‌ದೆರ್
ಎಡ್ತಿನ ಬರಸ್‌ಗ್ ಬೈಕ್ ಞಕ್ಕೆ ಆತ್ಂಡ್. ಬೈಕ್ ಬುಡೊಂದಿತ್ತಿನ ಆತ್ಮಾನಂದೆ ಅಲ್ಪನೇ ತೀರ್ಯೆರ್ನ್ಡ, ಗಾತಿದ ಗಡಿಕುಲಾದಿತ್ತಿನ ನವೀನ್‌ನ್ ಮುಟ್ಠದಕುಲು ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್. ಮರ್ದ್ ಪಲಿಪಂದೆ ನವೀನ್ ಆಸ್ಪತ್ರೆಡ್ ತೀರ್ದೆರ್.
ಜವನೆರ್ ಪದ್ಮನೂರ್‌ರ್ದ್ ಕಿನ್ನಿಗೋಳಿದಂಚಿ ಪೋವೊಂದುಪ್ಪುನಗ ಅಪಘಾತ ಆತ್ಂಡ್. ಎಡ್ತೆದ ಭೀಕರ ದೃಶ್ಯ ಸಿಸಿಟಿವಿ ಕ್ಯಾಮರಾಡ್ ಕೈದಾತ್ಂಡ್. ಈ ಬಗೆಟ್ ಬಡಕಾಯಿ ಕುಡ್ಲ ಟ್ರಾಫಿಕ್ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.