Last updated on March 26th, 2025 at 05:21 pm
ದೆಲ್ಲಿ, ಮಾ. 26: ವಿಜಯಪುರ ಶಾಸಕೆ ಬಸನಗೌಡ ಪಾಟೀಲ್ ಯತ್ನಾಳ್ ಮೆರೆನ್ ಬಿಜೆಪಿ ಪ್ರಾಥಮಿಕ ಸದಸ್ಯತ್ವರ್ದ್ ಉಚ್ಛಾಟನೆ ಮಲ್ತ್‌ದ್ ಆದೇಶ ಕೊರ್ತುಂಡು. ರಾಜ್ಯಾಧ್ಯಕ್ಷೆರೆ ಬಗೆಟ್ ಬೊರ್ಚಂದಿನ ಪಾತೆರಿನೆಕ್ ಬೊಕ್ಕ ಪಕ್ಷೊದ ಶಿಸ್ತು ತತ್ತ್‌ದ್ ನಡತೊಂಡಿನೆಕ್ ಬಿಜೆಪಿರ್ದ್ 6 ವರ್ಸೊಗು ಕಾಲ ಉಚ್ಛಾಟನೆ ಮಲ್ದೆರ್.
ರಾಜ್ಯ ಬಿಜೆಪಿ ರಾಜ್ಯಾಧ್ಯಕ್ಷೆರೆ ಬಗೆಟ್ ಬೊರ್ಚಂದಿನ ಪಾತೆರ್ದಿತ್ತೆರ್, ಅವೆತೊಟ್ಟುಗು ಪಕ್ಷೊದ ಶಿಸ್ತ್‌ಗ್ ತತ್ತ್‌ದ್ ನಡತೊಂದಿತ್ತೆರ್. ಅಂಚಾದ್, ಬಿಜೆಪಿ ಹೈಕಮಾಂಡ್‌‌ರ್ದೊ ಶೋಕಾಸ್ ನೋಟಿಸ್‌ಲಾ ಬತ್ತಿತ್ತ್ಂಡ್. ಅವೆಕ್ ಸದುಲಾ ಕೊರ್ದಿತ್ತೆರ್. ಇತ್ತೆ ದೆಲ್ಲಿ ಬಿಜೆಪಿ ಹೈಕಮಾಂಡ್‌ಗ್ ಅರೆರ್ದ್ ಸಮಗಟ್ಟ್‌ದ ಸದು ತಿಕ್ಕ್‌ದಿಜಿ ಪನ್ಡ್‌ದ್ ಶಾಸಕೆ ಬಸನಗೌಡ ಪಾಟೀಲ್ ಮೆರೆನ್ ಉಚ್ಛಾಟನೆ ಮಲ್ದ್ಂಡ್. ನನ ಆರೆನ ಶಾಸಕ ಸ್ಥಾನ ಪೋಪುಂಡ ಪನ್ಪಿನ ಪ್ರಶ್ನೆಲಾ ಜನೊಕ್ಲೆಡ ಉಂಡು.
ಶಾಸಕನ ಸ್ಥಾನೊಡು ಆರ್ ಸ್ವತಂತ್ರವಾದ್ ದುಂಬರಿಯೊಲಿ. ಓಲ್ಲಾ ಪಕ್ಷೊದ ಗುರ್ತಡ್ ಗೆಂದ್‌ದಿನ ಎಂಕ್ ಬೊರ್ಚಿ ಪನ್ದ್ ರಾಜೀನಾಮೆ ಕೊರ್ಯೆರ್ನ್ಡ, ಶಾಸಕ ಸ್ಥಾನ ರದ್ದಾದ್ ಕುಡೊರ ಚುನಾವಣೆ ಮನ್ಪಾವೊಲಿ.