Last updated on March 8th, 2025 at 02:35 pm
ಬೆದ್ರ ಮಾ. 08: ಒಂಜಿ ಕಾರ್ ಸ್ಕೂಟರ್‌ಗ್ ಎಡ್ತಿನೆರ್ದಾವರ ಸ್ಕೂಟರ್ ಬುಡೊಂದಿತ್ತಿನ ಟೀಚರ್ ತೀರ್ದಿನ ನಡಕೆ ಬೆದ್ರ ರಾಜ್ಯ ಪೆರ್ಸಾದಿದ ಶಿರ್ತಾಡಿ ಸಂಕದಲ್ಪ ಕೋಡೆ ನಡತ್‌ದ್ಂಡ್.
ತೀರ್ದಿನಾರ್ ಬೆದ್ರ ನಾಗರಕಟ್ಟೆದ ನಿವಾಸಿ, ಶಿರ್ತಾಡಿ ಹೋಲಿ ಏಂಜಲ್ಸ್ ಪ್ರೈವೇಟ್ ಶಾಲೆಡ್ ಟೀಚರ್ ಆದಿತ್ತಿನ ಸುಜಯಾ ಭಂಡಾರಿ (35) ಪನ್ದ್ ಗುರ್ತ ಪತ್ತ್‌ದೆರ್.
ಶುಕ್ರವಾರ ಬಯ್ಯದ ಪೊರ್ತುಡು ತನ್ನ ಬೇಲೆ ಮುಗಿತ್‌ದ್ ಬೆದ್ರದ ನಾಗರಕಟ್ಟೆಡ್ ಇಪ್ಪುನ ತನ್ನ ಇಲ್ಲಗ್ ಆಕ್ಟಿವಾಡ್ ಪೋವೊಂದಿತ್ತೆರ್. ಶಿರ್ತಾಡಿ ಸಂಕದಲ್ಪ ಎದುರುರ್ದ್ ಬಾರೀ ಬರಸ್‌ಡ್ ಬತ್ತಿನ ಒಂಜಿ ಕಾರ್ ಆಕ್ಟಿವಾಗ್ ಎಡ್ತ್‌ದ್ಂಡ್. ಎಡ್ತೆದ ಬರಸ್‌ಗ್ ದೂರ ರಟ್ಟಿನ ಟೀಚರ್‌ಗ್ ಗಾತಿದ ಗಡಿಕುಲಾದಿತ್ತ.
ತರೆಕ್ ಗಾತಿದ ಪೆಟ್ಟ್ ಬೂರ್ದಿತ್ತ್‌ದ್, ಮರ್ದ್ ಪಲಿಪಂದೆ ತೀರ್ದೆರ್. ತೀರ್ದಿನ ಟೀಚರ್‌ನ ಕಂಡನೆ ಪಿದಯೂರುಡು ಬೇಲೆ ಮಲ್ತೊಂದುಲ್ಲೆರ್. ಮೆರೆಗ್ ಅಮರ್ ಜೋಕುಲು ಇತ್ತ್‌ದ್ ಬೆದ್ರ ಶಾಲೆಡ್ ಕಲ್ತೊಂದುಲ್ಲೆರ್. ಬೆದ್ರ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.