Last updated on March 7th, 2025 at 08:38 am
2025-26ನೇ ಸಾಲ್‌ದ ರಾಜ್ಯ ಬಜೆಟ್ ಮಂಡನೆ ನನ ಒಂತೆ ಪೊರ್ತುಡೇ ತೊಡಂಗೆರೆ ಉಂಡು, 16ನೇ ಸರ್ತಿ ಬಜೆಟ್ ಮಂಡನೆ ಮಲ್ತ್‌ದ್ ದಾಖಲೆ ಬರೆಯೆರ ಸಿಎಂ ಸಿದ್ದರಾಮಯ್ಯೆ ಪಿದಡ್ದೆರ್.
1995ಟ್ ಎಚ್.ಡಿ ದೇವೇಗೌಡೆರ್ ಮುಖ್ಯಮಂತ್ರಿ ಆದುಪ್ಪುನಗ ಸಿದ್ದರಾಮಯ್ಯೆ ಆರೆನ ಕಡೀರ ಬಜೆಟ್ ಮಂಡನೆ ಮಲ್ತಿತ್ತೆರ್. 1995 ಬೊಕ್ಕ 1996ಟ್ ದೇವೇಗೌಡೆರ್ ಸಿಎಂ ಆದುಪ್ಪುನಗ, 1997, 1998, 1999ಟ್ ಜೆ.ಎಚ್. ಪಟೇಲ್‌ ಸಂಪುಟೊಡು ಫೈನಾನ್ಸ್ ಮಿನಿಸ್ಟರ್ ಆದಿತ್ತಿನ ಸಿದ್ದರಾಮಯ್ಯೆ ಬಜೆಟ್ ಮಂಡನೆ ಮಲ್ತಿತ್ತೆರ್.
2013ಟ್ ಕಡೀರ ಸರ್ತಿ ಮುಖ್ಯಮಂತ್ರಿ ಆಯಿನ ಸಿದ್ದರಾಮಯ್ಯೆ 2013, 2014, 2015, 2016, 2017 ಬೊಕ್ಕ 2018 (ಲೇಖಾನುದಾನ) ಇಂಚ ಬೆರಿ ಬೆರಿ ಆಜಿ ಸರ್ತಿ ಬಜೆಟ್ ಮಂಡನೆ ಮಲ್ತಿತ್ತೆರ್. 2018ಟ್ ಮಂಡನೆ ಮಲ್ತಿನವು, ಪತ್ತ ಬಜೆಟ್ ಆದಿಜ್ಜಂಡ್. ಉಂದು ಆರ್ ಮಂಡನೆ ಮಲ್ತಿನ 13ನೇ ಬಜೆಟ್ ಆದಿತ್ತ್ಂಡ್.
2023ಟ್, ಕುಡ ಮುಖ್ಯಮಂತ್ರಿ ಆದ್ ಅಜತ್ ಬತ್ತಿನ ಸಿದ್ದರಾಮಯ್ಯೆರ್ 14ನೇ ಬಜೆಟ್ ಮಂಡನೆ ಮಲ್ತ್‌ದ್ ಪೊಸ ದಾಖಲೆ ಬರೆದಿತ್ತೆರ್. ಇತ್ತೆ 2025-26ನೇ ಸಾಲ್‌ದ 16ನೇ ಬಜೆಟ್ ಮಂಡನೆಗ್ ಪಿದಡ್ದೆರ್.