Last updated on March 18th, 2025 at 01:14 pm
ಕುಡ್ಲ, ಮಾ.17 : ಸೋಮವಾರ ಬಯ್ಯಡ್ ಕೊಣಾಜೆ ಪೊಲೀಸ್ ಸ್ಟೇಶನ್ ಸೀಮೆದ ತಿಬ್ಲಪದವು ಪನ್ಪಿನಲ್ಪ ಜೋಕುಲೆನ್ ಲೆತೋಂದು ಪೋವೋಂದಿತ್ತಿನ ಒಂಜಿ ಕಾಲೇಜ್ ಬಸ್ ಕಾರ್ ಬೊಕ್ಕ ಮೂಜಿ ಟೂ ವೀಲರ್‌ಲೆಗ್ ಎಡ್ತ್‌ದ್ಂಡ್.
ಇನೋಲಿರ್ದ್ ಕುಡ್ಲದಂಚಿ ಪೋವೊಂದಿತ್ತಿನ ಬಸ್, ತಿಬ್ಲಪದವು ದಲ್ಪ ಅಂಕೆ ತತ್ತ್‌ದ್ ಸಾದಿಬರಿಟ್ ಉಂತಾದಿತ್ತಿನ ಗಾಡಿಲೆಗ್ ಎಡ್ತ್‌ದ್ಂಡ್. ದೇವೆರೆ ದಯೆಟ್, ಆ ಪೊರ್ತುಡು ಉಂತಾದಿತ್ತಿನ ಗಾಡಿಲೆಡ್ ಏರ್ಲಾ ಇಜ್ಜಂಡ್. ಅಂಚಾದ್ ಏರೆಗ್ಲಾ ಪೆಟ್ಟಾತಿಜಿ.
ಉಂದೆರ್ದ್ ಒಂತೆ ಪೊರ್ತು ದುಂಬು, ತಿಬ್ಲಪದವು ದಲ್ಪ ಬೈಕ್ ಸ್ಕಿಡ್ ಆದ್, ಬೈಕ್ ಬುಡೊಂದಿತ್ತಿನಾರೆಗ್ ಗಡಿಕುಲಾದ್, ಆರೆನ್ ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್. ಸ್ಕಿಡ್ ಆತಿನ ಜಾಗೆಡ್ ಜನ ಸೇರ್ದ್, ಸಾದಿ ಬರಿಟ್ ತಾರಾಮರ ತನ್ಕುಲೆ ಗಾಡಿಲೆನ್ ಉಂತಾದಿತ್ತ್‌ದ್, ಬಸ್ ಅಂಕೆ ತತ್ತ್‌ದ್, ಒಂಜಿ ಕಾರ್ ಬೊಕ್ಕ ಮೂಜಿ ಟೂ ವೀಲರ್‌ಲೆಗ್ ಎಡ್ತ್‌ದ್ಂಡ್.
ತೆನ್ಕಾಯಿ ಕುಡ್ಲ ಟ್ರಾಫಿಕ್ ಪೊಲೀಸೆರ್ ಬತ್ತ್‌ದ್ ಜಡ್ತೆ ಸುರು ಮಲ್ದೆರ್.