Last updated on March 2nd, 2025 at 06:37 pm
ಪೊಸದೆಲ್ಲಿ, ಮಾ.02: ಹರಿಯಾಣೊದ ರೋಹ್ಟಕ್ಡ್ 22 ವರ್ಸ ಪ್ರಾಯೊದ ಕಾಂಗ್ರೆಸ್ ಕಾರ್ಯಕರ್ತೆದಿ ಹಿಮಾನಿ ನರ್ವಾಲ್‌ನ ಪುನ ಸೂಟ್ಕೇಸ್ಡ್ ತಿಕ್ಕ್‌ದ್ಂಡ್. ಈ ಬಗೆಟ್ ಕಾಂಗ್ರೆಸ್ ಉನ್ನತ ಜಡ್ತೆಗ್ ಆಗ್ರಹ ಮಲ್ದ್ಂಡ್. ಇತ್ತೆ ಈ ಪ್ರಕರಣೊ ಭಾರೀ ರಾಜಕೀಯ ವಿವಾದೊಗು ನೆವನ ಆತ್ಂಡ್. ರೋಹ್ಟಕ್ಡ್ ಪೊಣ್ಣನ ಸಾವುದ ಬಗೆಟ್ ಮಾಜಿ ಮುಖ್ಯಮಂತ್ರಿ ಭೂಪಿಂದರ್ ಸಿಂಗ್ ಹೂಡಾ ಬೆಸರ್ ತೂಪಾಯೆರ್.
“ಇಂಚ ಸೂಟ್ಕೇಸ್ಡ್ ಪುನ ತಿಕ್ಕುನು ಬಾರೀ ಬೆಸರ್‌ದ ಅಂಚೆನೇ ಆಘಾತಕಾರಿ ಸಂಗತಿ. ಉಂದು ರಾಜ್ಯೊದ ಕಾನೂನು ಬೊಕ್ಕ ಸುವ್ಯವಸ್ಥೆಗ್ ಒಂಜಿ ಕಪ್ಪು ಚುಕ್ಕಿ. ಈ ಇಡೀ ಪ್ರಕರಣೊದ ಬಗೆಟ್ ಮಲ್ಲ ಮಟ್ಟ್‌ದ, ನಿಷ್ಪಕ್ಷಪಾತ ಜಡ್ತೆ ಆವೊಡು ಬೊಕ್ಕ ಅಪರಾಧಿಲೆಗ್ ಆಯಿನಾತ್ ಬೇಗ ಕಠಿಣ ಶಿಕ್ಷೆ ಕೊರೊಡು” ಪನ್ದ್ ಹೂಡಾ ಪನ್ಡೆರ್.