Last updated on March 14th, 2025 at 11:58 am
ದೆಲ್ಲಿ, ಮಾ. 14: ನಮ್ಮ ದೇಶೊದ ಕೆಲವು ರಾಜ್ಯೊಲೆನ ವರ್ಸೊದ ಬಜೆಟ್‌ರ್ದ್‌ಲಾ ಎಚ್ಚ ಕ್ರಿಪ್ಟೋ ಕರೆನ್ಸಿ ದಗೆ ಮಲ್ದಿನ ಆರೋಪಿನ್ ಕೇರಳಡ್ ಅರೆಸ್ಟ್ ಮಲ್ದೆರ್ ಪನ್ದ್ ವರದಿಯಾತ್ಂಡ್.
ಕೈದಾತಿನ ಆರೋಪಿ ಅಲೆಕ್ಸೆಜ್ ಬೆಸಿಯೊಕೊವ್ ಪನ್ದ್ ಗುರ್ತ ಪತ್ತ್‌ದೆರ್. ಅಮೇರಿಕಾಡ್ ಉಂಬ್ಯೆ 8 ಲಕ್ಷ ಕೋಟಿ ರೂಪಾಯಿದ ಕ್ರಿಪ್ಟೋ ಕರೆನ್ಸಿ ದಗೆ ಮಲ್ತ್‌ದೆ. ರಾನ್ಸಮ್‌ವೇರ್, ಕಂಪ್ಯೂಟರ್ ಹ್ಯಾಕಿಂಗ್ ಬೊಕ್ಕ ಮಾದಕ ಸೊತ್ತುಲೆನ ವೈವಾಟ್‌ದಂಚಿನ ಅಪರಾಧ ಚಟುವಟಿಕೆಲೆನ ಆದಾಯೊನು ಅಕ್ರಮವಾದ್ ಟ್ರಾನ್ಸ್‌ಫರ್ ಮಲ್ತೊನ್ರ ‘ಗ್ಯಾರಂಟೆಕ್ಸ್’ ಪನ್ಪಿನ ಕ್ರಿಪ್ಟೋಕರೆನ್ಸಿ ಎಕ್ಸ್‌ಚೇಂಜ್ ಸೆಂಟರ್ ಉಂಡುಮಲ್ತಿತ್ತೆ. ಬೆಸಿಯೊಕೊವ್, ದೇಶೊರ್ದ್ ಬಲಿಪೆರ ಪ್ಲಾನ್ ಮಲ್ತೊಂದುಪ್ಪುನಗ ಪತ್ತ್‌ದ ಪನ್ದ್ ಅಧಿಕಾರಿಲು ತೆರಿಪಾದೆರ್.
ಯುಎಸ್ ಸೀಕ್ರೆಟ್ ಸರ್ವಿಸ್‌ದ ದಾಖಲೆಲೆನ ಪ್ರಕಾರ, ಬೆಸಿಯೊಕೊವ್ ಸುಮಾರ್ ಆಜಿ ವರ್ಸ ಗ್ಯಾರಂಟೆಕ್ಸ್ ನ್ ತನ್ನ ಅಂಕೆಡ್ ದೀದಿತ್ತೆ ಪನ್ದ್ ಆರೋಪ ಉಂಡು. ಉಂದು ಅಂತರರಾಷ್ಟ್ರೀಯ ಕ್ರಿಮಿನಲ್ ಸಂಘಟನೆಲೆರ್ದ್ (ಭಯೋತ್ಪಾದಕ ಸಂಘಟನೆಲು ಸೇರ್ದ್) ಕಮ್ಮಿಡ್ $96 ಬಿಲಿಯನ್ (ರೂ. 8 ಲಕ್ಷ ಕೋಟಿರ್ದ್‌ಲಾ ಎಚ್ಚ) ಕ್ರಿಪ್ಟೋಕರೆನ್ಸಿ ವೈವಾಟ್‌ಲೆಡ್ ಕಾಸ್ ಟ್ರಾನ್ಸ್‌ಫರ್ ಮನ್ಪೆರ ಅನುಕೂಲ ಮಲ್ತ್‌ಕೊರ್ದು ಪಾಕ ನಿರ್ಬಂಧೊಲೆನ ಉಲ್ಲಂಘನೆ ಮಲ್ದ್ಂಡ್.