Last updated on March 24th, 2025 at 06:02 pm
ಬಿಹಾರೊದ ಗಯಾದ್ ರಸಲ್‌ಪುರೊಡು ಮಾ.27ರ್ದ್ 30 ಮುಟ್ಟ ನಡಪುನ 34ನೇ ಸಬ್ ಜೂನಿಯರ್ ರಾಷ್ಟ್ರೀಯ ಕಬಡ್ಡಿ ಚಾಂಪಿಯನ್‌ಶಿಪ್‌ಗ್ ಕರ್ನಾಟಕ ರಾಜ್ಯೊದ ಸಬ್ ಜೂನಿಯರ್ ರಾಜ್ಯ ಕಬಡ್ಡಿ ಕೂಟೊದ ಅಜಪು ಪ್ರಕ್ರಿಯೆ ಮಾ.9ದಾನಿ ಬೆಂಗಳೂರ್‌ದ ಶ್ರೀ ಕಂಠೀರವ ಕಬಡ್ಡಿ ಕ್ರೀಡಾಂಗಣೊಡು ನಡತ್ಂಡ್.
ಈ ಅಜಪು ಪ್ರಕ್ರಿಯೆಡ್ ಪಾಲ್‌ಪಡೆದಿತ್ತಿನ ಶ್ರೀ ರಾಮಕುಂಜೇಶ್ವರ ಕನ್ನಡ ಮಾಧ್ಯಮ ಪ್ರೌಢಶಾಲೆದ 9ನೇ ಕ್ಲಾಸ್‌ದ ವಿದ್ಯಾರ್ಥಿನಿ ಧನ್ವಿ ಕೆ. ಅಜತ್ ಬೈದೆರ್.
ಮೇರ್ ಕುಡ್ಲ ಜಿಲ್ಲೆರ್ದ್ ಅಜತ್ ಬೈದಿನ ಒರ್ತೇ ಪೊಣ್ಣು ಆದುಲ್ಲೆರ್. ಮೇರ್ ಕಡಬ ತಾಲೂಕ್‌ದ ಕೊಣಾಜೆ ಗ್ರಾಮೊದ ಮನೆಜಾಲು ನಿವಾಸಿ ದುಗ್ಗಣ್ಣ ಗೌಡ ಬೊಕ್ಕ ಅಮಿತಾ ದಂಪತಿಲೆನ ಮಗಲ್.
ಪೊಣ್ಣಗ್ ಶಾಲೆದ ಮಲ್ಲಗುರುಕುಲು ಸತೀಶ್ ಭಟ್‌ರೆನ ಮಾರ್ಗದರ್ಶನೊಡು ಮಾಧವ ಬಿ.ಕೆ., ಜಸ್ವಂತ್, ಮಂಜುನಾಥ್ ಬೊಕ್ಕ ಶಾಲೆದ ದೈಹಿಕ ಶಿಕ್ಷಣ ಶಿಕ್ಷಕಿ ಪ್ರಫುಲ್ಲಾ ರೈ ತರಬೇತಿ ಕೊರ್ದಿತ್ತೆರ್.