ತುಳು ಸಾಹಿತ್ಯ ಅಕಾಡೆಮಿದ ದುಂಬುದ ಗುರ್ಕಾರೆ, ಪೆರಿಯ ವಿದ್ವಾಂಸೆ ಡಾ. ವಾಮನ ನಂದಾವರ ತೀರ್ಯೆರ್

Last updated on March 16th, 2025 at 10:37 am

ಕುಡ್ಲ: ತುಳುತ ಪೆರಿಯ ವಿದ್ವಾಂಸೆ ಡಾ. ವಾಮನ ನಂದಾವರ ಮೇರ್ ಉಸಾರ್‌ದಾಂತೆ ಕೋಡೆ ತೀರ್ದೆರ್. ಮೆರೆಗ್ 81 ವರ್ಸ ಪ್ರಾಯ ಆದಾತ್ತ್ಂಡ್. ಮೇರ್ ಕರಿನ ಕೆಲ ವರ್ಸೊರ್ದಿಂಚಿ ಉಸಾರ್ ತತ್ತ್‌ದ್ ಇತ್ತೆರ್.

ಮೂಲತಃ ಬಂಟ್ವಾಳ ತಾಲೂಕ್‌ದ ನಂದಾವರ ಗ್ರಾಮೊದ ಮೇರ್ ತುಳು ಬೊಕ್ಕ ಕನ್ನಡ ಭಾಷಾ ವಿದ್ವಾಂಸೆ ಅಂಚೆನೇ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ದುಂಬುದ ಗುರ್ಕಾರೆಲಾ ಆದಿತ್ತೆರ್. ಕುಡ್ಲದ ಸೈಂಟ್ ಅಲೋಶಿಯಸ್ ಕಾಲೇಜ್‌ಡ್ ಬಿ.ಎಸ್‌ಸಿ ಪದವಿ ಗೆತೊಂದು ಮೇರ್ ಕುಡ್ಲದ ಸರಕಾರಿ ಮಹಾವಿದ್ಯಾಲಯೊಡು ಬಿ.ಎಡ್ ಪದವಿ ಮಲ್ತಿತ್ತೆರ್. ಕರ್ನಾಟಕ ವಿಶ್ವವಿದ್ಯಾಲಯ ಧಾರವಾಡೊಡು ಎಂ.ಎ (ಕನ್ನಡ) ಪದವಿ ಮಲ್ದಿನ ಮೇರ್ ಕುಡ್ಲ ವಿಶ್ವವಿದ್ಯಾನಿಲಯೊದ ಬಿ.ಎ.ವಿವೇಕ ರೈ ಮೆರೆನ ಮಾರ್ಗದರ್ಶನೊಡು ‘ಕೋಟಿ ಚೆನ್ನಯ ಜಾನಪದೀಯ ಅಧ್ಯಯನ’ ಮಹಾ ಪ್ರಬಂಧೊಗು ಪಿಎಚ್.ಡಿ ಪದವಿ ಗೆತೊಂದೆರ್.