Last updated on March 20th, 2025 at 08:50 am
ಇಟ್ಟೆಲ್, ಮಾ.19 : ಕುಂಟುದಂಗಡಿಡ್ ಪೊಂಜೊವು ಒರ್ತಿಯೇ ಬೇಲೆ ಮಲ್ತೊಂದಿತ್ತಿನ ಪೊರ್ತುಡು ನಾಲ್ ಜನ ಒರಾನೆ ಅಂಗಡಿದುಲಯಿ ಪೊಗ್ಗುದು ಪೋಡಿಕಟ್ಟಾದ್ ಅಂಗಡಿಡ್ ಇತ್ತಿನ ಕುಂಟುಲೆನ್ ಬೇತೆ ಸೊತ್ತುಲೆನ್ ಲಕ್ಕದ್ ಪದ್ರಾಡಾತಿನ ನಡಕೆ ವಿಟ್ಲ ಶಾಲೆದ ರೋಡ್‌ದಲ್ಪ ಮಾರ್ಚ್ 18 ದಾನಿ ನಡತ್‌ದ್ಂಡ್.
ಮಾ. 18 ದ ಮಧ್ಯಾಹ್ನ ಒರಾನೆ ಅಂಗಡಿಗ್ ನಾಲ್ ಜನ ಬತ್ತ್‌ದೆರ್. ಬೊಕ್ಕ ಮೊಕುಲು ಅಂಗಡಿಡ್ ಇತ್ತಿನ ಸೊತ್ತುಲೆನ್ ಕುಂಟುಲೆನ್ ತನ್ಕುಲೆ ಬ್ಯಾಗ್‌ದುಲಯಿ ದಿಂಜಾಯೆರ ಕೊನೊನಗ ಅಂಗಡಿಡ್ ಇತ್ತಿನ ಸಿಬ್ಬಂದಿ ದಾಯೆ ಕುಂಟುಲೆನ್ ದಿಂಜಾವೊಂದುಲ್ಲರ್ ಪನ್ದ್ ಕೇನ್ದೆರ್.
ಅಪಗ ಆರೋಪಿಲು ನಿಕ್ಕ್ ಏತ್ ಬೇಲೆ ಉಂಡಾ ಆತೇ ಮಲ್ಪು. ಎಂಕ್ಲೆನ ಸುದ್ದಿಗ್ ಬತ್ತ್ಂಡ ಜಾಗೃತೆ ಪನ್ದ್ ಪೋಡ್ಯಾದ್ ಬಲಾತ್ಕಾರೊಡು ಸೊತ್ತುಲೆನ್ ಕೊನೊತೆರ್. ಈ ಬಗೆಟ್ ಇಟ್ಟೆಲ್ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಬರೆಪಾದೆರ್.