Last updated on March 28th, 2025 at 04:20 pm
ಬೆಂಗಳೂರು, ಮಾ.28: ಬೆಂಗಳೂರುಡು ಭೀಕರವಾದ್ ಬೊಡೆದಿನ್ ಕೆರ್ತಿನ ನಡಕೆ ಒಂಜಿ ನಡತ್‌ದ್ಂಡ್. ಮಹಾರಾಷ್ಟ್ರದ ಆಂಜೊವು ತನ್ನ ಬೊಡೆದಿನ್ ಕೆರ್ದ್, ಆಲೆನ ಪುನೊನು ತುಂಡು ತುಂಡು ಮಲ್ತ್‌ದ್, ಸೂಟ್ಕೇಸ್ಡ್ ದಿಂಚಯಜಾದಿನ ಆರೋಪಡ್ ಪುಣೆಡ್ ಕೈದ್ ಮಲ್ದ್ಂಡ್.
ಮಹಾರಾಷ್ಟ್ರ ಮೂಲೊದ ರಾಕೇಶ್ ಈ ಬೇಲೆ ಮಲ್ದಿನ ಆರೋಪಿ. ಗೌರಿ ಅನಿಲ್ ಸಾಂಬೆಕರ್ ತೀರ್ದಿನಾರ್. ಮಹಾರಾಷ್ಟ್ರಡ್ ಇಪ್ಪುನ ಬೊಡೆದಿನ ಇಲ್ಲದಕ್ಲೆಗ್ ಪೋನ್ ಮಲ್ತ್‌ದ್ ಆರೋಪಿ ರಾಕೇಶ್ ಸೈದಿನ ಸುದ್ದಿ ತೆರಿಪಾದೆ.
ಮಹಾರಾಷ್ಟ್ರ ಮೂಲೊದ ರಾಕೇಶ್ ಬೊಕ್ಕ ಗೌರಿ ಅನಿಲ್ ಸಾಂಬೆಕರ್ ದಂಪತಿ, ಪ್ರೈವೇಟ್ ಕಂಪೆನಿಡ್ ಬೇಲೆ ಮಲ್ತೊಂದಿತ್ತ್‌ದ್ ಬೆಂಗಳೂರ್‌ದ ಕನ್ನಹಳ್ಳಿಡ್ ಇತ್ತೆರ್. ವರ್ಕ್ ಫ್ರಂ ಹೋಂ ಇತ್ತಿನೆರ್ದಾವರ ಇಲ್ಲರ್ದೇ ಬೇಲೆ ಮಲ್ತೊಂದಿತ್ತೆರ್.
ಬೊಡೆದಿನ್ ಕೆರ್ದ್ ಪುನೊನು ದಾದ ಮಲ್ಪುನು ಪನ್ದ್ ತೆರಿಯಂದೆ ತಂಡು ತುಂಡು ಮಲ್ತ್‌ದ್ ಸೂಟ್ಕೇಸ್ಡ್ ದಿಂಜಾದ್ ದೀತೆ. ಆತೇ ಅತ್ತಂದೆ ಈ ವಿಚಾರೊನು ಮಹಾರಾಷ್ಟ್ರಡ್ ಉಪ್ಪುನ ಬೊಡೆದಿನ ಇಲ್ಲದಕ್ಲೆಗ್ ತೆರಿಪಾದೆ. ಈ ವಿಚಾರ ತೆರಿದ್ ಪೋಡಿನ ಗೌರಿ ಪೋಷಕೆರ್ ಮಹಾರಾಷ್ಟ್ರ ಪೊಲೀಸೆರೆಗ್ ಒಲವು ಕೊರ್ತೆರ್.
ಮಹಾರಾಷ್ಟ್ರ ಪೊಲೀಸೆರ್ ಬೆಂಗಳೂರು ಪೊಲೀಸೆರೆಗ್ ವಿಷಯ ತೆರಿಪಾದ್, ಹುಳಿಮಾವು ಪೊಲೀಸೆರ್ ಬತ್ತ್‌ದ್ ಜಡ್ತೆ ಮಲ್ತ್‌ದೆರ್.
ಜಡ್ತೆರ್ದ್ ಬೊಕ್ಕ, ಬೆಂಗಳೂರು ಪೊಲೀಸೆರ್ ಕಾಲ್ ಡೇಟಾ ದಾಖಲೆಲೆನ್ ಡಲಸ್‌ದ್ ರಾಕೇಶ್ ಇಪ್ಪುನ ಜಾಗೆನ್ ಗೊತ್ತು ಮಲ್ತೊಂದು ಮಹಾರಾಷ್ಟ್ರ ಪೊಲೀಸೆರೆಗ್ ಒಲವು ಕೊರ್ತೆರ್. ಅವೆರ್ದ್ ಬೊಕ್ಕ ಆಯನ್ ಪುಣೆಡ್ ಪತ್ತ್‌ದೆರ್. ಇತ್ತೆ ಪುಣೆ ಪೊಲೀಸೆರೆ ವಶೊಟು ಉಲ್ಲೆ.
ಬೆಂಗಳೂರುದ ಹುಳಿಮಾವು ಪೊಲೀಸೆರೆ ಕೂಟ ಆರೋಪಿನ್ ಟ್ರಾನ್ಸಿಟ್ ವಾರಂಟ್‌ಡ್ ಲೆತ ಬರ್ರ ಪುಣೆಗ್ ಪಿದಡ್ದ್ಂಡ್. ಬೆಂಗಳೂರುಡು ನಡತಿನ ಕೊಲೆತ ಪಿರವುದ ಪತ್ತ ಉದ್ದೇಶೊನು ತೆರಿಯೊನರೆ ಪೊಲೀಸೆರ್ ಆಯನ್ ವಿಚಾರಣೆ ಮಲ್ಪೆರಗುಲ್ಲೆರ್.