Last updated on March 28th, 2025 at 09:26 am
ಬೆಂಗಳೂರು, ಮಾ. 28 : ಕಂಡನೆ ಒರಿ ಬೊಡೆದಿನ್ ಕೆರ್ದ್ ಆಲೆನ ಪುನೊನು ತುಂಡು ತುಂಡು ಮಲ್ತ್‌ದ್ ಸೂಟ್‌ಕೇಸ್‌ಗ್ ದಿಂಜಾಯಿನ ನಡಕೆ ಬೆಂಗಳೂರ್‌ದ ಹುಳಿಮಾವು ಮುಟ್ಟದ ದೊಡ್ಡಕನ್ನಹಳ್ಳಿ ಡ್ ನಡತ್‌ದ್ಂಡ್.
ಮಹಾರಾಷ್ಟ್ರ ಮೂಲೊದ ರಾಕೇಶ್ ಈಬೇಲೆ ಮಲ್ದಿನ ಆರೋಪಿ. ಗೌರಿ ಅನಿಲ್ ಸಾಂಬೆಕರ್ ತೀರ್ದಿನಾರ್.
ಮಹಾರಾಷ್ಟ್ರ ಮೂಲೊದ ರಾಕೇಶ್ ಬೊಕ್ಕ ಗೌರಿ ಅನಿಲ್ ಸಾಂಬೆಕರ್ ದಂಪತಿ, ಪ್ರೈವೇಟ್ ಕಂಪೆನಿಡ್ ಬೇಲೆ ಮಲ್ತೊಂದಿತ್ತ್‌ದ್ ಬೆಂಗಳೂರ್‌ದ ಕನ್ನಹಳ್ಳಿಡ್ ಇತ್ತೆರ್. ವರ್ಕ್ ಫ್ರಂ ಹೋಂ ಇತ್ತಿನೆರ್ದಾವರ ಇಲ್ಲರ್ದೇ ಬೇಲೆ ಮಲ್ತೊಂದಿತ್ತೆರ್.
ಬೊಡೆದಿನ್ ಕೆರ್ದ್ ಪುನೊನು ದಾದ ಮಲ್ಪುನು ಪನ್ದ್ ತೆರಿಯಂದೆ ತಂಡು ತುಂಡು ಮಲ್ತ್‌ದ್ ಸೂಟ್‌ಕೇಸ್‌ಡ್ ದಿಂಜಾದ್ ದೀತೆ. ಆತೇ ಅತ್ತಂದೆ ಈ ವಿಚಾರೊನು ಮಹಾರಾಷ್ಟ್ರಡ್ ಉಪ್ಪುನ ಬೊಡೆದಿನ ಇಲ್ಲದಕ್ಲೆಗ್ ತೆರಿಪಾದೆ. ಈ ವಿಚಾರ ತೆರಿದ್ ಪೋಡಿನ ಗೌರಿ ಪೋಷಕೆರ್ ಮಹಾರಾಷ್ಟ್ರ ಪೊಲೀಸೆರೆಗ್ ಒಲವು ಕೊರ್ತೆರ್.
ಮಹಾರಾಷ್ಟ್ರ ಪೊಲೀಸೆರ್ ಬೆಂಗಳೂರು ಪೊಲೀಸೆರೆಗ್ ವಿಷಯ ತೆರಿಪಾದ್, ಹುಳಿಮಾವು ಪೊಲೀಸೆರ್ ಬತ್ತ್‌ದ್ ಜಡ್ತೆ ಮಲ್ತ್‌ದೆರ್. ಕಂಡನೆ ರಾಕೇಶ್‌ನ ಬಗೆಟ್ ಪೊಲೀಸೆರೆಗ್ ನನಲಾ ಒಲವು ತಿಕ್ಕ್‌ದಿಜಿ. ಆಯನ್ ನಾಡುನ ಬೇಲೆ ನಡತೊಂದುಂಡು.
ದಾಯೆ ಕೆರ್ತೆ ಪನ್ಪಿನ ವಿಷಯ ನನ ತೆರಿದ್ ಬರೊಡಾತೆ.