Last updated on March 24th, 2025 at 08:53 am
ಬೆಂಗಳೂರು: ನಂದಿನಿ ಪೇರ್‌ದ ರೇಟ್ ಬೇಗೊಡೇ ಎಚ್ಚ ಆವರೆ ಉಂಡು. 2025-26ತ ಬಜೆಟ್ ಅಧಿವೇಶನ ಮುಗಿನ ಬೆರಿಟೇ ಪೇರ್‌ದ ರೇಟ್ ಏರ್ಪುನ ನಿಗಂಟ್ ಆತಿಲೆಕ ಉಂಡು.
ಕೆಎಂಎಫ್, ಜಿಲ್ಲಾ ಪೇರ್ ಒಕ್ಕೂಟೊದ ಅಧ್ಯಕ್ಷೆರ್, ಸಂಬಂಧಿತಿನ ಸಚಿವೆರೆ ಒಟ್ಟುಗು ಮುಖ್ಯಮಂತ್ರಿ ಸಿದ್ದರಾಮಯ್ಯೆ ಇನಿ ಇನಯ ನಡಪಾಯೆರ ಇತ್ತ್‌ದ್, ಪೇರ್‌ದ ರೇಟ್ ಎಚ್ಚ ಮಲ್ಪುನ ಬಗೆಟ್ ನಿರ್ಧಾರ ಗೆತೊನುನ ಸಾಧ್ಯತೆ ಉಂಡು. ಲೀಟ‌ರ್ ಪೇರ್‌ಗ್ 5 ರೂಪಾಯಿ ಎಚ್ಚ ಮಲ್ಪೆರ ಪೇರ್ ಒಕ್ಕೂಟೊಲು ಕಾಯೆಸ್ ಮಲ್ತ್‌ದ. ಪುಂಡಿ, ಪಂತಿ, ಸಂಬಳ ಸೇರ್ದ್ ಬೇತೆ ಕರ್ಚಿಲು ಎಚ್ಚ ಆತಿನೆರ್ದಾವರ ಪ್ರತಿ ಲೀಟ‌ರ್ ಪೇರ್‌ಗ್ ಐನ್ ರೂಪಾಯಿ ಎಚ್ಚ ಮಲ್ಪೆರ ಮಾತಾ ಪೇರ್ ಒಕ್ಕೂಟೊಲೆರ್ದ್ ಕೆಎಂಎಫ್ ಅಧ್ಯಕ್ಷೆರ್ ಬೊಕ್ಕ ಪಶು ಸಂಗೋಪನೆ ಸಚಿವೆ ವೆಂಕಟೇಶ್ ಮೆರೆಗ್ ಒತ್ತಾಯ ಮಲ್ದೆರ್. ಅಂಚಾದ್ ರೇಟ್ ಏರ್ಪುನ ಪ್ರಸ್ತಾವನೆ ರೆಡಿ ಆದಿತ್ತ್‌ದ್ ಸರ್ಕಾರೊದ ಅನು ಬಾಕಿ ಉಂಡು. ಸಹಕಾರ ಸಚಿವೆ ಕೆ.ಎನ್. ರಾಜಣ್ಣೆ, ಪಶು ಸಂಗೋಪನೆ ಸಚಿವೆ ವೆಂಕಟೇಶ್, ಕೆಎಂಎಫ್ ಅಧ್ಯಕ್ಷೆ ಭೀಮಾ ನಾಯ್ಕ ಬೊಕ್ಕ ಪೆರಿಯ ಅಧಿಕಾರಿಲು, ಪೇರ್ ಒಕ್ಕೂಟೊದ ಅಧ್ಯಕ್ಷೆರೆ ಒಟ್ಟುಗು ಇನಿ ಸಿಎಂ ಸಿದ್ದರಾಮಯ್ಯೆರೆ ಇನಯೊಡು, ಪೇರ್‌ದ ರೇಟ್ ಏರ್ಪುನ ಬಗೆಟಾ ನಿರ್ಧಾರ ಗೆತೊನುನ ಸಾಧ್ಯತೆ ಉಂಡು.