Last updated on March 15th, 2025 at 09:14 am
ಕಾಪು: ಫೇಸ್‌ಬುಕ್‌ಡ್ ಗುರ್ತ ಆತಿನ ಕಟ್ಪಾಡಿದ ಜವನ್ದಿನ್ ಮದಿಮೆ ಆಪೆ ಪನ್ದ್ ನಂಬಾದ್, ದೈಹಿಕ ಸಂಪರ್ಕ ಮಲ್ತ್‌ದ್, ಬೊಕ್ಕ ಮದಿಮೆ ಆವೆರೆ ಒತ್ತೊನಂದಿನ ಆರೋಪಡ್ ಕಾರ್ಲ ಕುಕ್ಕುಂದೂರು ನಿವಾಸಿ ಸುಕೇಶ್ ಪುತ್ರನ್ ಪನ್ಪಿನಾಯನ್ ಕಾಪು ಪೊಲೀಸೆರ್ ಕೈದ್ ಮಲ್ತ್‌ದೆರ್.
ಸಂತ್ರಸ್ತೆದಿಗ್ 2018ಡ್ ಆರೋಪಿನ ಗುರ್ತ ಆದಿತ್ತ್ಂಡ್. ಅವೆರ್ದ್ ಬೊಕ್ಕ ಆಯೆ ಮದಿಮೆ ಆಪಿನ ಪಾತೆರ ಕೊರ್ದು ಬೇತೆ ಬೇತೆ ಲಾಡ್ಜ್‌ಲೆಗ್ ಲೆತೊಂದು ಪೋದು ದೈಹಿಕ ಸಂಪರ್ಕ ಮಲ್ತ್‌ದ್ ಬೊಕ್ಕ ಪಿದಯಿದೇಶೊಗು ಪೋತೆ. ಅಲ್ತ್‌ರ್ದ್ ಬತ್ತಿ ಬೊಕ್ಕ ಜನವರಿರ್ದೊ ಫೆಬ್ರವರಿ ಮುಟ್ಟ ಪಿರ ದೈಹಿಕ ಸಂಪರ್ಕ ಮಲ್ತ್‌ದೆ. ನಿಶ್ಚಯ ಮಲ್ತೊನುಗ ಪನ್ದ್ ಆಯೆನೇ ಪನ್ದಿತ್ತ್‌ದ್, ಆಯೆನೇ ನಿರಾಕರಿತ್‌ದೆ ಪನ್ದ್ ಜವನ್ದಿ ಪೊಲೀಸೆರೆಡ ಒಯಿಲ್ ಬರೆಪಾದಿತ್ತಲ್.