Last updated on March 2nd, 2025 at 03:45 pm
ಕಾರ್ಲ, ಮಾ.02 : ಪೊಂಜೊವುನಕ್ಲೆನ ಅಶ್ಲೀಲ ವಿಡಿಯೋಲೆನ್ ಸಾಮಾಜಿಕ ಬಲೆತ್ತಾನೊಡು ಬುಡುಗಡೆ ಮಲ್ಪುವೆ ಪನೊಂದು ಕಾಸ್ ಪೀಂಕಾವೊಂದಿತ್ತಿನ ಆರೋಪದ ಮಿತ್ತ್ ಕಾರ್ಲದ ಈದು ಗ್ರಾಮೊದ ಸತೀಶ್ ಹೊಸ್ಮಾರ್ (36) ಪನ್ಪಿನಾಯನ್ ಕದ್ರಿ ಪೊಲೀಸೆರ್ ಕೈದ್ ಮಲ್ತ್‌ದೆರ್.
ವರದಿಲೆನ ಪ್ರಕಾರ, ಸತೀಶ್ ಇನ್‌ಸ್ಟಾಗ್ರಾಮ್ ಬೊಕ್ಕ ಫೇಸ್‌ಬುಕ್‌ದಂಚಿನ ಸಾಮಾಜಿಕ ಮಾಧ್ಯಮೊಲೆನ ಮುಕೇನ ಪೊಂಜೊವುನಕ್ಲೆನ ಮೊಬೈಲ್ ನಂಬರ್ ಗೆತೊನೆದೆ. ಬೊಕ್ಕ ಅಕ್ಲೆನ ಅಶ್ಲೀಲ ವಿಡಿಯೋಲು ತನಡ ಉಂಡು ಪನ್ದ್ ಪೋಡ್ಯಾದ್, ಕಾಸ್ ಕೇನೆದೆ. ಕಾಸ್ ಕೊರ್ಜಿಂಡ ವಿಡಿಯೋಲೆನ್ ವೈರಲ್ ಮಲ್ಪುವೆ ಪನ್ದ್ ಪನ್ಪೆದೆ.
ಈ ಪೊರ್ತುಡು ಪೊಂಜೊವು ಒರ್ತಿ ಕೊರ್ತಿನ ಒಯಿಲ್‌ದ ಮಿತ್ತ್, ಕದ್ರಿ ಪೊಲೀಸೆರ್ ಪ್ರಕರಣ ದಾಕಲ್ತ್‌ದ್ ಜಡ್ತೆ ಸುರು ಮಲ್ತಿತ್ತೆರ್. ಆರೋಪಿನ ಮೊಬೈಲ್ ಫೋನ್‌ನ್ ಪೊಲೀಸೆರ್ ವಶೊಕು ಗೆತೊಂದಿತ್ತ್‌ದ್, ಅವೆಟ್ ಆಯನ ದಗೆಕ್ ಸಂಬಂಧಿತಿನ ಪುರಾಪುಲು ತಿಕ್ಕ್‌ದಗೆ.
ಸತೀಶ್‌ನ ಮಿತ್ತ್ ಕಾರ್ಲ ಗ್ರಾಮಾಂತರ ಬೊಕ್ಕ ಪೇಂಟೆ ಪೊಲೀಸ್ ಸ್ಟೇಶನ್‌ಲೆಡ್ ಕಲ್ವೆ, ಲೈಂಗಿಕ ಕಿರುಕುಳ ಬೊಕ್ಕ ಅತ್ಯಾಚಾರೊದ ಆರೋಪ ಸೇರ್ದ್ ಪಾಕ ಪ್ರಕರಣೊಲು ದುಂಬುರ್ದೇ ದಾಕಲಾದುಲ್ಲ. ಸುಮಾರ್ ಒಂಜಿ ವರ್ಸೊಗು ಪಿರವು ಕಾರ್ಲ ಪೊಲೀಸ್ ಸ್ಟೇಶನ್‌ಡ್ ದಾಕಲಾತಿನ ಕಲ್ವೆದ ಪ್ರಕರಣೊಡು ಉಂಬ್ಯೆ ಕರ್ಪಿಲ್ಲ ಶಿಕ್ಷೆ ತಿನ್ತೆ.
ಕದ್ರಿ ಪೊಲೀಸ್ ಇನ್ಸ್‌ಪೆಕ್ಟರ್ ಸೋಮಶೇಖರ್ ಜೆ ಸಿ, ಸಬ್ ಇನ್ಸ್‌ಪೆಕ್ಟರ್ ಮನೋಹರ್ ಪ್ರಸಾದ್ ಬೊಕ್ಕ ಅಪರಾಧ ನಾಡುನ ಕೂಟೊದ ಮುತಾಲಿಕೆಡ್ ಕೈದ್ ಕಾರ್ಯಾಚರಣೆ ಮಲ್ತೆರ್.