Last updated on March 12th, 2025 at 03:09 pm
ರಾಜ್‌ಕೋಟ್: ರಡ್ಡನೇ ಮದಿಮೆಗ್ ವಿರೋಧ ಮಲ್ತಿನೆಕ್ 76 ವರ್ಸೊದ ಅಮ್ಮೆ ಮಗನ್ ಬೆಡಿ ದಕ್ಕ್‌ದ್ ಕೆರ್ತಿನ ನಡಕೆ ಗುಜರಾತ್‌ದ ರಾಜ್‌ಕೋಟ್‌‌ಡ್ ನಡತ್‌ದ್ಂಡ್. ರಾಜಸ್ಥಾನ್ ಮೂಲೊದ ರಾಮ್‌ಕುಭಾಯಿ ಬೋರಿಚಾ ಅಲಿಯಾಸ್ ರಾಮ್‌ಭಾಯಿ, ತನ್ನ 52 ವರ್ಸೊದ ಮಗೆ ಪ್ರತಾಪ್ ಬೋರಿಚಾನ್ ಬೆಡಿಟ್ ಶೂಟ್ ಮಲ್ತ್‌ದ್ ಕೆರ್ತೆ.
ಐತಾರ ಕಾಂಡೆ 10 ಗಂಟೆದ ಅಂದಾಜಿಗ್ ಅಮ್ಮೆ ರಡ್ಡನೇ ಮದಿಮೆ ಆಪಿನ ನಿರ್ಧಾರೊದ ಬಗೆಟ್ ಇರ್ವೆರೆ ನಡುಟು ಕೊಲಲ ಆತ್ಂಡ್ ಪನ್ದ್ ಪೊಲೀಸೆರ್ ತೆರಿಪಾದೆರ್. ಪಿಸಿರ್‌ಡ್ ಅಮ್ಮೆ ತನ್ನ ಬೆಡಿ ಗೆತೊಂದು ಮಗನ ಮಿತ್ತ್ ಶೂಟ್ ಮಲ್ತ್‌ದೆ.
ರಡ್ಡ್ ಸುತ್ತು ಗುಂಡು ಕೊಲ್ತ್‌ದ್ ಪ್ರತಾಪ್ ಅಲ್ಪನೇ ತೀರ್ದೆರ್. ಕೆರ್ತಿನ ಪ್ರಕರಣೊಡು ಬೋರಿಚಾನ ಮಿತ್ತ್ ಪ್ರತಾಪ್‌ನ ಬೊಡೆದಿ ಜಯಾ ಪೊಲೀಸೆರೆಡ ಒಯಿಲ್ ಬರೆಪಾದೆರ್. ಪೊಲೀಸೆರ್ ಅವ್ವೇ ದಿನ ಆರೋಪಿನ್ ಕೈದ್ ಮಲ್ತ್‌ದ್ ನ್ಯಾಯಂತಡೆಕ್ ಹಾಜಿರಿ ಮಲ್ತಿತ್ತ್‌ದ್, ಆರೋಪಿಗ್ ರಡ್ಡ್ ದಿನೊತ ನ್ಯಾಯಾಂಗ ಬಂಧನ ಕೊರ್ತೆರ್.
ಸುರುಟು, ಜಾಗೆದ ಕೊಲಲಡ್ ಕೆರ್ತೆರ್ ಪಪ್ದ್ ಅಧಿಕಾರಿಲು ಎನ್ನ್‌ದಿತ್ತೆರ್. ಆಂಡ, ಇರ್ವ ವರ್ಸೊಗು ದುಂಬು ಬೊಡೆದಿ ಸೈತಿತ್ತ್‌ದ್, ಇತ್ತೆ ರಾಮ್‌ಭಾಯಿಗ್ ಕುಡ ಮದಿಮೆ ಆವೊಡು ಪನ್ಪಿನ ಆಸೆನೇ ಈ ಕೊಲಲಗ್ ನೆವನ ಪನ್ದ್ ಜಡ್ತೆಡ್ ತೆರಿದ್ ಬೈದ್ಂಡ್.