Last updated on March 10th, 2025 at 09:23 am
ಕುಡ್ಲ : ಬಿಜೆಪಿ ಎಂಎಲ್‌ಎ ನಕ್ಲೆನ ನಕಾರಾತ್ಮಕ ಚಿಂತನೆ ರ್ದಾವರ ಕುಡ್ಲ ನರಲೊಂದುಂಡು ಪನ್ದ್ ಎಂಎಲ್‌ಸಿ ಐವನ್ ಡಿಸೋಜ ಆಕ್ರೋಶ ತೂಪಾಯೆರ್.
ಕುಡ್ಲದ ಕಾಂಗ್ರೆಸ್ ಕಚೇರಿಡ್ ಆರ್, ವಿಧಾನಸಭೆಟ್ ಡಿಸಿಎಂ ಡಿಕೆಶಿ ಬಯ್ಯ 7 ಗಂಟೆರ್ದ್ ಬೊಕ್ಕ ಕುಡ್ಲ ಡೆಡ್ ಪನ್ದ್ ಪನ್ತಿನ ಬಗೆಟ್ ಪಾತೆರ್ದ್, ಈ ಬಗೆಟ್ ಎಂಕ್ಲೆಗ್ ನಿಜವಾದ್ ಅವಮಾನ ಆತ್ಂಡ್ ಪನ್ದ್ ಪನ್ಡೆರ್.
ರಾಜ್ಯ ಸರಕಾರೊದ ಬಜೆಟ್ ಶೂನ್ಯ ಪನ್ದ್ ಪನ್ಪಿನ ಕುಡ್ಲ ಜಿಲ್ಲೆದ ಬಿಜೆಪಿ ಎಂಎಲ್‌ಎಲು ಜಿಲ್ಲೆದ ಬುಲೆಚ್ಚಿಲ್‌ಗ್ ಸರಕಾರೊದ ಬಾಕಿಲ್ ಬೊಟ್ಟುದೆರಾ?. ಒಂಜಿ ಸರ್ತಿ ಆಂಡಲಾ ಸಭೆ ಲೆತ್ತ್‌ದೆರಾ? ಎಂಕ್ಲೆನ್ ಬೋಡಾಂಡಲಾ ಒಟ್ಟುಗು ಲೆತೊಂದು ಪೋವಡ್. ಸಿಎಂನ ಕೈತಡೆ ಲೆತೊಂದು ಪೋಯೆರೆ ಪಂಡ್ಂಡ, ಬುಲೆಚ್ಚಿಲ್ ಬೇಲೆಗ್ ಎಂಕ್ಲುಲ ಕೈಗೋಡ್ಯಾವ. ಅಭಿವೃದ್ಧಿ ಬಗೆಟ್ ಕೆಡಿಪಿಡ್ಲಾ ಚರ್ಚೆ ಆತಿಜಿ. ಮಾತೆಕ್ಲಾ ಅಕ್ಲೆರ್ದ್ ನರಾಕಾತ್ಮಕ ಉತ್ತರೊನೇ ಬರ್ಪುಂಡು ಪನ್ದ್ ಪನ್ಡೆರ್.
ಎಂಕ್ಲ ಆಡಳಿತ ಪಕ್ಷೊಡು ಇತ್ತ್ಂಡಲಾ, ಕುಡ್ಲ ಜಿಲ್ಲೆಗ್ ಬೋಡಾಪಿನ ಯೋಜನೆಲೆನ ಬಗೆಟ್ ಸೊರ ದೆರ್ತ್‌ದ್ ಸರಕಾರೊದ ಗೇನೊಗು ಕನತ್‌ದ್ ಪೊರ್ಮ್ಬಾಟ ಮಲ್ತೊಂದುಲ್ಲ. ಬಿಜೆಪಿದಕ್ಲೆನ ಅಲಕ್ಕ ನೆಗೆಟಿವ್ ಚಿಂತನೆ. ಉಂದು ಸಮ ಅತ್ತ್, ನನ ಆಂಡಲಾ ಅಕುಲು ಸಮ ಮಲ್ತೊನಡ್ ಪನ್ದ್ ಪನ್ಡೆರ್.