Last updated on March 5th, 2025 at 05:31 pm
ಕುಡ್ಲ: ಕುಡ್ಲ ಬೊಕ್ಕ ಒಡಿಪುದ ನಡುಟು ಮೆಟ್ರೋ ರೈಲ್ ಯೋಜನೆಗ್ ಮಾಸ್ಟರ್ ಪ್ಲಾನ್ ಅಭಿವೃದ್ಧಿ ಮನ್ಪೆರ ರಾಜ್ಯ ಸರ್ಕಾರ ತೊಡಂಗ್‌ದ್ಂಡ್.
ಪ್ರಸ್ತಾಪ ಮಲ್ದಿನ 64 ಕಿಲೋಮೀಟರ್ ಇಂಟರ್‌ಸಿಟಿ ಮೆಟ್ರೋ ರೈಲ್ ಕುಡ್ಲ, ಉಡುಪಿ ಬೊಕ್ಕ ಮಣಿಪಾಲನ್ ಕನೆಕ್ಟ್ ಮನ್ಪುನ ಈಡ್ ದೀವೊಂದುಂಡು. ಈ ಯೋಜನೆಗ್ ವಿವರವಾಯಿನ ತಾಂತ್ರಿಕ ಬೊಕ್ಕ ಆರ್ಥಿಕ ಕಾರ್ಯಸಾಧ್ಯತಾ ಅಧ್ಯಯನೊನು ಮನ್ಪೆರ ರಾಜ್ಯ ಸರ್ಕಾರ ಬೆಂಗಳೂರು ಮೆಟ್ರೋ ರೈಲು ನಿಗಮ ಲಿಮಿಟೆಡ್ (ಬಿಎಂಆರ್‌ಸಿಎಲ್) ಗ್ ನಿರ್ದೇಶನ ಕೊರ್ತುಂಡು. ಈ ಬಗೆಟ್ ಅಧಿಕೃತವಾದ್ ಕುಡ್ಲ ಬೊಕ್ಕ ಒಡಿಪು ಜಿಲ್ಲೆಲೆನ ಜಿಲ್ಲಾಧಿಕಾರಿಲೆಗ್ ಸೊಲ್ಲಂಜ ಕಡಪುಡ್ದೆರ್.
ಕೆಪಿಸಿಸಿ ಮಾಜಿ ಕಾರ್ಯದರ್ಶಿ ಮೋಹನ್ ದಾಸ್ ಹೆಗ್ಡೆ ಮೇರ್ ಆರೋಗ್ಯ ಸಚಿವೆ ದಿನೇಶ್ ಗುಂಡೂರಾವ್ ಬೊಕ್ಕ ಕೈಗಾರಿಕಾ ಸಚಿವೆ ಎಂ.ಬಿ. ಪಾಟೀಲ್ ಮೊಕ್ಲೆಗ್ ಬರೆತಿನ ಓಲೆಡ್, ಕುಡ್ಲ ಬೊಕ್ಕ ಮಣಿಪಾಲದ ನಡುಟು ಮಲ್ಲ ಪೇಂಟೆಲು ಅಂಚೆನೇ ಇಂಡಸ್ಟ್ರಿಯಲ್ ಏರಿಯಾಲೆನ್ ಕನೆಕ್ಟ್ ಮಲ್ಪಿಲೆಕ ಮೆಟ್ರೋ ಮಾರ್ಗೊನು ಮನ್ಪೆರ ಪ್ರಸ್ತಾಪ ಮಲ್ದೆರ್. ಈ ಯೋಜನೆ ಆರ್ಥಿಕ ಬುಲೆಚ್ಚಿಲ್‌ನ್ ಎಚ್ಚಾವುಂಡು, ನಗರಾಭಿವೃದ್ಧಿಗ್ ಬೆರಿತಾಂಗ್ ಕೊರ್ಪುಂಡು ಬೊಕ್ಕ ಈ ಪ್ರದೇಶೊಡು ಟ್ರಾಫಿಕ್ ನೆಟ್‌ವರ್ಕ್‌ನ್ ಎಡ್ಡೆ ಮನ್ಪುಂಡು ಪನ್ದ್ ಆರ್ ಪನ್ಡೆರ್.
ಇತ್ತೆ ಇಪ್ಪುನ ರೋಡ್‌ಡ್ ಏಪೊಲಾ ಟ್ರಾಫಿಕ್ ದಿಂಜಿದಿತ್ತ್‌ದ್, ಏಪೊಲಾ ಕಡೆಸ್ಸುನೆನ್ ಹೆಗ್ಡೆರ್ ತೂತೆರ್. ಎಚ್ಚ ಆವೊಂದುಪ್ಪುನ ಜನಸಂಖ್ಯೆನ್ ತೂನಗ, ಟ್ರಾನ್ಸ್‌ಪೋರ್ಟ್ ಎಫಿಷಿಯೆನ್ಸಿನ್ ಎಚ್ಚ ಮನ್ಪೆರ ಮೆಟ್ರೋ ರೈಲ್ ಎಡ್ಡೆ ಪಿರಿಕಟ್ಟ್ ಪನ್ದ್ ತೋಜುಂಡು.
ಪ್ರಸ್ತಾಪ ಮಲ್ದಿನ ಮೆಟ್ರೋ ಯೋಜನೆದ ಬಗೆಟ್ ಸರ್ಕಾರೊರ್ದು ಓಲೆ ಬೈದಿನೆನ್ ಕುಡ್ಲದ ಜಿಲ್ಲಾಧಿಕಾರಿ ಮುಲ್ಲೈ ಮುಹಿಲನ್ ದೃಢ ಮಲ್ತೆರ್. ಬಿಎಂಆರ್‌ಸಿಎಲ್ ಅಧ್ಯಯನ ಮಲ್ಪೆರಗಿತ್ತ್‌ದ್, ಅವೆತ ಸಂಶೋಧನೆಲೆನ ಆಧಾರೊಡು ನನ ದುಂಬುದ ಕ್ರಮ ಗೆತೊನುವ ಪನ್ದ್ ಆರ್ ಪನ್ಡೆರ್.